اسلام آباد۔25جولائی (اے پی پی) صدر مملکت آصف علی زرداری نال سعودی سفیر نواف بن سعید المالکی ایوان صدر اچ ملاقات کیتی اتے ݙو طرفہ تعلقات ودھاوݨ ، تجارت، معیشت و ثقافت تے ڳالھ مہاڑ کیتی ۔ ایوان صدر دے پریس ونگ توں جاری بیان موجب، ملاقات اچ وفاقی وزیر داخلہ محسن نقوی وی شریک ہن۔ملاقات اچ ݙو طرفہ تعلقات دے ودھارے، تجارت، معیشت و ثقافت تے ڳالھ مہاڑ کیتی …
صدرمملکت آصف علی زرداری نال سعودی سفیر نواف بن سعید المالکی دی ملاقات، ݙو طرفہ تعلقات ودھاوݨ، تجارت، معیشت و ثقافت تے ڳالھ مہاڑ
مزید خبراں
اسلام آباد۔25جولائی (اے پی پی) صدر مملکت آصف علی زرداری نال سعودی سفیر نواف بن سعید المالکی ایوان صدر اچ ملاقات کیتی اتے ݙو طرفہ تعلقات ودھاوݨ ، تجارت، معیشت و ثقافت تے ڳالھ مہاڑ کیتی ۔ ایوان صدر دے پریس ونگ توں جاری بیان موجب، ملاقات اچ وفاقی وزیر داخلہ محسن نقوی وی شریک ہن۔ملاقات اچ ݙو طرفہ تعلقات دے ودھارے، تجارت، معیشت و ثقافت تے ڳالھ مہاڑ کیتی ڳئی۔ صدر مملکت آصف علی زرداری آکھیا جو پاکستان اتے سعودی عرب دے تعلقات مشترکہ عقیدے اتے سانجھے اعتماد تے مبنی ہن۔ صدر مملکت آکھیا جو ݙو طرفہ تعاون کوں مزید وسعت ݙیوݨ ݙوہائیں ملکاں کیتے فیدہ مند اے۔ انہاں آکھیا جو سعودی سرمایہ کاراں کوں پاکستان اچ سرمایہ کار دوست ماحول توں فیدہ چاوݨا چاہیدے۔ صدر مملکت آکھیا جو پاکستان اتے سعودی عرب عالمی امور تے ھکو سواں موقف رکھیندن۔ آصف علی زرداری آکھیا جو او اوکھے ویلھے اچ سعودی عرب دی معاونت تے شکر گزار ہن۔ صدر مملکت خادم الحرمین الشریفین شاہ سلمان بن عبدالعزیز اتے ولی عہد شہزادہ محمد بن سلمان کیتے نیک تمناواں دا سنھیا وی ݙتا۔
