وفاقی وزیر منصوبہ بندی احسن اقبال نال ورلڈ بینک دے نائب صدر عثمان ڈی اون دی ملاقات

اسلام آباد۔25جولائی(اے پی پی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نال ورلڈ بینک دے نائب صدر برائے مشرق وسطیٰ و شمالی افریقہ عثمان ڈی اون ملین۔ انہاں ݙو طرفہ تعاون، معیشت دی بہتری، موسمیاتی تبدیلی دے چیلنجز اتے سماجی ترقی سودھا ٻئے اہم معاملیاں تے الایا۔ احسن اقبال آکھیا جو وزارت منصوبہ بندی اتے ورلڈ بینک وچال ساڄھے داری کوں ٻیا تکڑا کرݨ دی لوڑھ اے، تاں جو ترقیاتی اہداف کوں تیکھے توڑ پڄایا ونڄے۔ انہاں عالمی برادری کوں آکھیا جو او بھارت کوں سندھ طاس معاہدے دی خلاف ورزی توں باز رکھے، کیوں جو پاݨی کوں ہتھیار بݨاوݨ عالمی امن کیتے خطرناک رجحان اے۔ انہاں ݙسایا جو حکومت دا ہدف برآمدات کوں 32 ارب توں ودھا تے 100 ارب ڈالر تئیں ڳھن ونڄݨ اے، حکومت ٻالاں دی نشوونما دے مسئلے تے قابو پاوݨ کیتے ٹھوس اقدامات کریندی پئی اے۔ وزارت منصوبہ بندی اقتصادی اصلاحات کیتے “فائیو ایز” فریم ورک ٻݨائے ڄیڑھا ترقی دا جامع روڈ میپ ݙیندے۔ ورلڈ بینک پاکستان اچ موسمیاتی تبدیلی دے اثرات نال نٻݨݨ کیتے اپݨی معاونت ودھاوے۔