وفاقی وزیر اطلاعات عطاء اللہ تارڑ اتے وزیراعظم دے میڈیا کوآرڈینیٹر بدر شہباز وڑائچ دی پیپلز پارٹی دے سینئر رہنما قمر زمان کائرہ دی عیادت

اسلام آباد۔25جولائی(اے پی پی)وفاقی وزیر اطلاعات و نشریات عطاء اللہ تارڑ اتے وزیراعظم دے میڈیا کوآرڈینیٹر بدر شہباز وڑائچ پیپلز پارٹی دے سینئر رہنما قمر زمان کائرہ دی عیادت کیتے انہاں دے گھر ڳئن۔ ایں موقع تے وفاقی وزیر اطلاعات وزیراعظم محمد شہباز شریف ولوں قمر زمان کائرہ کیتے نیک تمنائیں دا سنیہا پُڄایا اتے انہاں دی خیر خیریت پچھی۔ ݙوہائیں رہنماواں قمر زمان کائرہ دی مکمل صحت یابی کیتے دعا کیتی۔ وفاقی وزیر اطلاعات عطاء اللہ تارڑ آکھیا جو قمر زمان کائرہ ملک دے مخلص سیاستدان اتے جمہوری اقدار دے علمبردار ہن، او میݙے کیتے قابل احترام ہین، اساݙے خانداناں وچال ٻہوں ڳھاٹے اتے تکڑے تعلقات رہن۔ انہاں آکھیا جو قمر زمان کائرہ دی مکمل شفا یابی کیتے دعا ڳو ہاں۔ بدر شہباز وڑائچ ایں موقع تے آکھیا جو قمر زمان کائرہ ہمیشہ پاکستان دی سیاست اچ مثبت کردار ادا کیتے، انہاں دی صحت کیتے پوری قوم دعا ڳو اے۔ قمر زمان کائرہ دل دی سرجری دے بعد ہسپتال توں گھر منتقل تھی ڳئن۔