مینگرووز دا تحفظ ساحلی معیشت اتے ماحولیاتی بقا کیتے ناگزیر ہے، جنید انوار چوہدری

اسلام آباد۔26جولائی (اے پی پی) وفاقی وزیر بحری امور محمد جنید انوار چوہدری آکھیے جو مینگرووز دا تحفظ ساحلی معیشت اتے ماحولیاتی بقا کیتے ناگزیر اے۔ “ڈیلٹا بلیو کاربن” منصوبہ عالمی سطح تے پاکستان دی سنڄان بݨ چکئے۔ سندھ دے ساحلی علاقیں وچ مینگرووز توں لکھاں کاربن کریڈٹس حاصل کیتے ویندے پئن۔ مینگرووز عام ٻوٹیں دے مقابلے وچ 4 گنا زیادہ کاربن جذب کریندن۔ عالمی یومِ مینگرووز تے اپݨے خصوصی پیغام وچ جنید انوار چوہدری آکھیا جو مینگرووز دی بقا کیتے حکومت مسلسل عملی اقدامات کریندی پئی اے، بلوچستان اتے سندھ وچ مینگرووز دی بحالی دے منصوبے کامیابی نال جاری ہن، ساحلی کٹاو اتے چھل توں بچاو وچ مینگرووز اہم قدرتی ڈھال ہن۔ جنید انوار چوہدری آکھیا جو پاکستان دنیا دے وݙے مینگرووز رہاوݨ آلے ملکاں دی صف وچ شامل تھی چکئے، مینگرووز مچھیاں دا مسکن اتے حیاتیاتی تنوع دی علامت ہن۔ جنید انوار چوہدری آکھیا جو ماہی گیری، سیاحت اتے قدرتی وسائل دا تحفظ مینگرووز نال جُڑیا اے، موسمیاتی تبدیلیاں نال نبݨݨ کیتے مینگرووز دا کھنڈݨ ناگزیر اے