ٹیکس بیس اچ ودھارے اتے غیر رسمی معیشت مکاوݨ نال ہی عام آدمی کیتے ٹیکس اچ کمی دے ہدف دا حصول ممکن ہوسی، وزیراعظم شہباز شریف

اسلام آباد۔26جولائی (اے پی پی) وزیرِاعظم محمد شہباز شریف آکھیے جو ٹیکس بیس اچ ودھارے اتے غیر رسمی معیشت مکاوݨ نال ہی عام آدمی کیتے ٹیکس اچ کمی دے ہدف دا حصول ممکن ہوسی۔ ایف بی آر دی جاری اصلاحات دے ثمرات دی بدولت معیشت صحیح پاسے ٹردی پئی اے ۔ صرف ڈیجیٹائزیشن ہی نی ، نویں نظام کوں تقویت ݙیوݨ کیتے پورا ڈیجیٹل ایکو سسٹم بݨایا ونڄے۔ خام مال دی تیاری و درآمد، مصنوعات دی مینوفیکچرنگ اتے صارف دی خریداری تئیں دے سارے ڈیٹا کوں ہک ہی سسٹم نال منسلک کیتا ونڄے۔ وزیرِ اعظم دفتر دے میڈیا ونگ توں جاری بیان دے موجب وزیرِ اعظم محمد شہباز شریف دی زیر صدارت ایف بی آر دی جاری اصلاحات تے جائزہ اجلاس منعقد تھیا۔ اجلاس اچ وفاقی وزراء محمد اورنگزیب، احد خان چیمہ، وزیرِ مملکت بلال اظہر کیانی، چیئرمین ایف بی آر، چیف کوآرڈینیٹر مشرف زیدی، معاشی ماہرین اتے متعلقہ اعلیٰ حکام شرکت کیتی۔ اجلاس کوں ایف بی آر دے ڈیٹا کوں ہک مرکز تے منسلک کرݨ اتے پوری ویلیو چین دی رئیل ٹائم مانیٹرنگ کیتے جدید ڈیجیٹل ایکوسسٹم دی تشکیل تے پیش رفت دے حوالے نال بریفنگ ݙتی ڳئی۔ وزیرِ اعظم ایں موقع تے ایف بی آر وچ جدید اتے عالمی معیار دے ڈیجیٹل ایکو سسٹم دی تشکیل دی منظوری، عالمی شہرت یافتہ ماہرین دیاں خدمتاں گھنݨ دی ہدایت کریندے آکھیا جو ایف بی آر دی جاری اصلاحات دے ثمرات دی بدولت معیشت مثبت سمت اچ گامزن اے۔ وزیرِ اعظم ہدایت کیتی جو صرف ڈیجیٹائزیشن ہی نی، نویں نظام کوں تقویت ݙیوݨ کیتے پورا ڈیجیٹل ایکو سسٹم بݨایا ونڄے، خام مال دی تیاری و درآمد، مصنوعات دی مینوفیکچرنگ اتے صارف دی خریداری تئیں دے سارے ڈیٹا کوں ہک ہی سسٹم نال منسلک کیتا ونڄے، نظام کوں ایں قدر مؤثر بݨایا ونڄے جو پوری ویلیو چین دی براہ راست ڈیجیٹل نگرانی کیتی ونڄ سڳے، نظام دے تحت جمع شدہ مرکزی ڈیٹا کوں معاشی اسٹریٹجک فیصلہ سازی کیتے استعمال کیتا ونڄے