اسلام آباد۔29 جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار اقوام متحدہ اچ ݙو ریاستی حل تے بین الاقوامی کانفرنس دے موقع تے کویت دے وزیر خارجہ عبداللہ ال یحییٰ نال ملاقات کیتی۔ ترجمان دفتر خارجہ موجب ایں موقع تے ݙوہاں رہنماواں تجارت، سرمایہ کاری، توانائی، فوڈ سکیورٹی اتے دفاع دے شعبیاں اچ آپسی تعاون دے ودھارے تے توجہ کریندیں ہوئیں پاکستان اتے کویت دے …
نائب وزیراعظم تے وزیر خارجہ سینیٹر محمد اسحاق ڈار دی کویت دے وزیر خارجہ عبداللہ ال یحییٰ نال ملاقات
مزید خبراں
اسلام آباد۔29 جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار اقوام متحدہ اچ ݙو ریاستی حل تے بین الاقوامی کانفرنس دے موقع تے کویت دے وزیر خارجہ عبداللہ ال یحییٰ نال ملاقات کیتی۔ ترجمان دفتر خارجہ موجب ایں موقع تے ݙوہاں رہنماواں تجارت، سرمایہ کاری، توانائی، فوڈ سکیورٹی اتے دفاع دے شعبیاں اچ آپسی تعاون دے ودھارے تے توجہ کریندیں ہوئیں پاکستان اتے کویت دے ݙو پاسہ تعلقات کوں ٻیا مضبوط بݨاوݨ دے امکانات دا جائزہ گھدا۔ انہاں اقوام متحدہ اتے او آئی سی سودھے کثیر الجہتی فورمز تے نیڑے تعاون تے وی ڳالھ کیتی۔ فریقین ݙو پاسہ تعلقات کوں ٻیا ودھاوݨ کیتے مستقبل اچ اعلیٰ سطح دے تبادلیاں تے اتفاق کیتا۔فلسطینیاں دے خلاف اسرائیلی جارحیت دی جاری کارروائیاں اتے غزہ اچ وڳڑدی ہوئی انسانی صورتحال تے تشویش دا اظہار کریندیں ہوئیں ݙوہاں وزراء ہک منصفانہ اتے دیرپا حل دی فوری لوڑھ تے زور ݙتا۔ انہاں امید ظاہر کیتی جو کانفرنس دے نتائج ݙو ریاستی حل دے حصول اچ معنی خیز کردار ادا کریسن۔
