وزیر اعظم شہباز شریف دی کرغز وفد نال ملاقات، پاکستان اتے کرغزستان وچال تعاون اچ ودھارے تے اطمینان

اسلام آباد۔29 جولائی (اے پی پی) وزیر اعظم محمد شہباز شریف پاکستان اتے کرغزستان وچال تعاون اچ ودھارے تے اطمینان کریندیں ہوئیں ݙوہاں ملکاں وچال تجارت، توانائی اتے عوامی تبادلیاں دے ودھارے کیتے مفاہمت دی کئی یادداشتاں تے دستخطاں دی تعریف کیتی۔ وزیر اعظم آفس دے میڈیا ونگ توں جاری بیان موجب وزیر اعظم محمد شہباز شریف نال کرغزستان دی کابینہ دے ڈپٹی چیئرمین عادل بیسالوف (Edil Baisalov) دی قیادت اچ اعلیٰ سطح دے وفد منگل کوں ملاقات کیتی ۔ وفد پاکستان کرغزستان مشترکہ بین الحکومتی کمیشن (آئی جی سی) دے پنڄویں اجلاس اچ شرکت کیتے پاکستان دے دورہ تے ہے جئیں دا مقصد کئی شعبیاں اچ ݙو پاسہ تعاون کوں مضبوط بݨاوݨ اے۔وزیر اعظم محمد شہباز شریف پاکستان اتے کرغزستان وچال تعاون اچ پیشرفت اتے آئی جی سی دے پنجویں اجلاس دے کامیاب انعقاد تے اطمینان کریندیں ہوئیں وفد دا خیر مقدم کیتا ۔ انہاں پاکستان اتے کرغزستان وچال پروٹوکول اتے مفاہمت دی کئی یادداشتیاں (ایم او یوز) تے دستخط کوں سراہندے ہوئیں انہاں کوں تجارت، توانائی، تعاون، روابط اتے عوامی تبادلیاں دے ودھارے آلے پاسے اہم قدم قرار ݙتا۔ وزیر اعظم آئی جی سی وچال کیتے ڳئے فیصلیاں تے عمل درآمد کیتے پاکستان دے مضبوط عزم دا اعادہ کیتا اتے معاہدیاں کوں ٹھوس نتائج اچ تبدیل کرݨ کیتے انہاں دی مؤثر تے بروقت پیروی دی اہمیت تے زور ݙتا۔ عادل بیسالوف ݙوہاں ملکاں وچال نیڑے دے ݙو پاسہ تعلقات کوں ودھاوݨ کیتے حکومت پاکستان دی کوششاں دی تعریف کریندیں ہوئیں ایں اعتماد دا اظہار کیتا جو آئی جی سی نال ݙوہاں ملکاں وچال تعاون ٻیا ودھسی۔ ݙوہاں رہنماواں پاکستان اتے کرغزستان دی عوام دے مفاد اچ رَل تے کم کرݨ اتے مضبوط تعلقات دے ودھارے کیتے تعاون جاری رکھݨ دا عزم کیتا۔