وزیراعظم دا چین اچ طوفانی بارشاں، زمین سرکݨ نال قیمتی جاناں دے ضیان اتے لوکاں دے بے گھر تھیوݨ تے افسوس

اسلام آباد۔29 جولائی(اے پی پی)وزیراعظم محمد شہباز شریف چین اچ حالیہ طوفانی بارشاں اتے زمین سرکݨ نال قیمتی جاناں دے ضیاع اتے لوکاں دے بے گھر تھیوݨ تے افسوس کیتے۔ اپݨے سنیہے اچ انہاں آکھیا جو میں اپݨی اتے پاکستانی عوام ولوں متاثرہ خانداناں اتے سارے متاثرہ لوکاں کوں پرچاوݨی ݙینداں، پاکستان دے مختلف حصیاں اچ اساں وی ایہوجھئیں اوکھ دا سامݨا کیتے، اساں اپݨے چینی ٻھیݨ ٻھراواں دا ݙکھ سمڄھ سڳدے ہیں اتے انہاں نال ہمدردی رکھدے ہیں۔ انہاں آکھیا جو یقین اے جو صدر شی جن پنگ دی مضبوط قیادت اچ چینی عوام دا حوصلہ اتے اتحاد انہاں کوں ایں اوکھ توں کݙھ ڳھنسی۔ وزیراعظم آکھیا جو پاکستانی عوام ایں آزمائش اچ چینی عوام دے نال کھرن، ساݙا اے تکڑا ڳانݙھا ہر اوکھ اچ ساݙا رشتہ ٻیا مضبوط کریندے۔