وزیراعظم دے معاون خصوصی برائے صنعت تے پیداوار ہارون اختر خان نال صدر نیشنل بینک دی ملاقات، صنعتی ترقی کیتے مالی تعاون ودھاوݨ تے ڳالھ مہاڑ

اسلام آباد۔30جولائی (اے پی پی) وزیراعظم دے معاون خصوصی برائے صنعت تے پیداوار ہارون اختر خان نال ٻدھ (بدھ) کوں نیشنل بینک آف پاکستان (این بی پی) دے صدر رحمت علی حسنی ملاقات کیتی۔ ملاقات اچ صنعتی ترقی کیتے مالی تعاون ودھاوݨ تے تفصیلی ڳالھ کیتی ڳئی۔ ایں موقع تے صنعتی قرضیاں، سرمایہ کاری دے فروغ، اتے بنکاری شعبے تے صنعتی ڈھانچے وچال شراکت کوں مضبوط بݨاوݨ بارے ڳالھ مہاڑ کیتی ڳئی۔ ہارون اختر خان آکھیا جو پائیدار صنعتی ترقی کیتے مالی سہولتاں دا فروغ ضروری اے۔ انہاں صنعتاں کوں قرضیاں دی فراہمی اچ نیشنل بینک دے اہم کردار کوں سراہیا اتے آکھیا جو ایں قسم دی معاونت معیشت دی بہتری کیتے نہایت اہم اے۔ انہاں ٻیا آکھیا جو معاشی ترقی کیتے بینکاری شعبے دا تعاون ٻہوں ضروری اے اتے مستحکم صنعتی ڈھانچے کیتے مالیاتی اداریاں دی شراکت ضروری اے۔ ہارون اختر خان ایں ڳالھ تے زور ݙتا جو پاکستان اچ سرمایہ کاری ودھاوݨ کیتے بنکاں کوں کلیدی کردار ادا کرݨا پوسی اتے حکومت کاروباری اداریاں کیتے سازگار مالی ماحول ݙیوݨ کیتے پرعزم اے۔ صدر نیشنل بینک رحمت علی حسنی معاون خصوصی کوں حکومت دے صنعتی ترقی دے وژن وچ مکمل تعاون دی یقین دہانی کروائی اتے اقتصادی ترقی دے فروغ کیتے مسلسل شراکت دا عزم کیتا۔