اسلام آباد۔31جولائی (اے پی پی) صدر مملکت آصف علی زرداری پاکستان اتے گھانا دے دوستانہ تعلقات کوں آپسی مفاد کیتے مستحکم کرݨ دی لوڑھ تے زور ݙیندیں ہوئیں آکھیا جو ݙوہیں ملکاں دے تجارتی تے معاشی روابط دے فروغ دی لوڑھ اے۔ ایوان صدر دے پریس ونگ توں جاری بیان موجب اے ڳالھیں صدر مملکت خمیس کوں گھانا کیتے پاکستان دے نامزد سفیر نجیب درانی نال ملاقات اچ کیتی۔ ملاقات …
صدر مملکت آصف علی زرداری نال گھانا کیتے نامزد سفیر نجیب درانی دی ملاقات
مزید خبراں
اسلام آباد۔31جولائی (اے پی پی) صدر مملکت آصف علی زرداری پاکستان اتے گھانا دے دوستانہ تعلقات کوں آپسی مفاد کیتے مستحکم کرݨ دی لوڑھ تے زور ݙیندیں ہوئیں آکھیا جو ݙوہیں ملکاں دے تجارتی تے معاشی روابط دے فروغ دی لوڑھ اے۔ ایوان صدر دے پریس ونگ توں جاری بیان موجب اے ڳالھیں صدر مملکت خمیس کوں گھانا کیتے پاکستان دے نامزد سفیر نجیب درانی نال ملاقات اچ کیتی۔ ملاقات اچ ڳالھ مہاڑ کریندیں ہوئیں صدر مملکت آصف علی زرداری آکھیا جو پاکستان اتے گھانا دے دوستانہ تعلقات کوں ݙوہیں ملکاں دے آپسی فیدے کیتے ٻیا مضبوط کرݨ اتے ݙو پاسہ تجارتی تے معاشی تعلقات دے فروغ دی لوڑھ اے. انہاں آکھیا جو پاکستان کاروباری موقعیاں کیتے سازگار ماحول ݙیندا پئے۔ صدر مملکت نامزد سفیر کوں ہدایت کیتی جو او گھانا دی کمپنیاں کوں پاکستان اچ سانجھے منصوبیاں اچ سرمایہ کاری کیتے راغب کرݨ، پاکستان اتے گھانا دے ادارہ جاتی تعلقات ٻئے مستحکم تھیوݨے چاہیدن۔ انہاں آکھیا جو گھانا دے سفارت کاراں اتے انجینئراں دی پاکستان اچ تربیت خوش آئند اے. آصف علی زرداری سفیر نجیب درانی کوں نویں ذمے واری سنبھالݨ تے مبارخ ݙتی اتے نیک خواہشات دا اظہار وی کیتا۔
