وزیراعظم دا شہریاں کوں انہاں دی دہلیز تے تکھے، شفاف تے معیاری خدمات ݙیوݨ دے عزم دا اعادہ، عوام کوں سرکاری خدمات کیتے دفتراں دے چکر لاوݨ دی لوڑھ نی ہووݨی چاہیدی، محمد شہباز شریف

اسلام آباد۔1 اکتوبر (اے پی پی) وزیراعظم محمد شہباز شریف شہریاں کوں انہاں دی دہلیز تے تکھے، شفاف تے معیاری خدمات ݙیوݨ عزم دا اعادہ کریندے آکھیے جو عوام کوں سرکاری خدمات کیتے دفتراں دے چکر لاوݨ دی لوڑھ نی ہووݨی چاہیدی، آسان خدمت مراکز دے ذریعے شہریاں کوں ہکی چھت تلے ٻہوں ساری سرکاری خدمات ݙیوݨ حکومت دی اولین ترجیح اے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف دیِ صدارت اسلام آباد اچ پاکستان آسان خدمت سینٹر دی کارکردگی، سینٹر دی توسیع تے ملک دے مختلف علاقیں اچ پاکستان آسان خدمت سینٹرز دے قیام دے حوالے نال اجلاس تھیا۔وزیراعظم پاکستان آسان خدمت سینٹر اچ مختلف سہولتاں ݙیوݨ دے ویلھے اچ مزید گھٹکی، پاکستان آسان خدمت سینٹر دی توسیع دا عمل تکھا کرݨ، شہریاں دی لوڑھ موجب مختلف کاؤنٹرز تے عملے دی تعداد ودھاوݨ، آسان خدمت مرکز اسلام آباد دے تریجھے فریق توں کرائے ڳئے کارکردگی دی آڈٹ رپورٹ پیش کرݨ، مظفرآباد، گلگت تے سکردو اچ آسان خدمت مراکز تے جاری کم تکھا کرݨ تے انہاں سینٹرز کوں وقتی فعال کرݨ، پشاور تے بنوں اچ آسان خدمت مراکز دے قیام کیتے فوری اقدامات شروع کرݨ تے پشاور تے بنوں اچ موجود وفاقی عمارتاں اچ آسان خدمت مراکز دے قیام دا جامع منصوبہ وقتی پیش کرݨ دی ہدایت کریندے آکھیا جو نجی شعبے نال رل تے ملک دے ٻئے علاقیں اچ وی آسان خدمت مرکز بݨائے ونڄن۔اجلاس اچ وزیراعظم کوں آسان خدمت مرکز اسلام آباد دی توسیع، سینٹر اچ ݙتیاں ونڄݨ آلیاں خدمات تے کارکردگی تے بریفنگ ݙتی ڳئی جیندے اچ ݙسایا ڳیا جو آسان خدمت مرکز اسلام آباد اچ جنوری توں ستمبر تئیں ہک لکھ 71 ہزار ودھ درخواستاں تے کارروائی کیتی ونڄ چکی اے، خدمات تے 99.5 فیصد شہریاں اطمینان دا اظہار کیتا، آسان خدمت مرکز اسلام آباد اچ خدمات ݙیوݨ اوسط ویلھا 3 توں 10 منٹ اے۔اجلاس اچ وزیراعظم کوں گلگت بلتستان تے آزاد جموں و کشمیر اچ پاکستان آسان خدمت سینٹرز دے قیام تے پیشرفت دا وی ݙسایا ڳئے ۔ وفاقی وزراء ڈاکٹر مصدق مسعود ملک، احد خان چیمہ، عطاء اللہ تارڑ، شزا فاطمہ خواجہ، طارق فضل چوہدری تے متعلقہ اداریں دے اعلیٰ افسران وی اجلاس اچ شریک ہن۔