چیئرمین سینیٹ سید یوسف رضا گیلانی دی مراکش دی پہلی تریمت وزیراعظم فاطمہ زہرا المنصوری کوں مبارخ

اسلام آباد۔1 اکتوبر (اے پی پی) چیئرمین سینیٹ سید یوسف رضا گیلانی فاطمہ زہرا المنصوری کوں مراکش دی پہلی تریمت وزیراعظم مقرر تھیوݨ تے مبارخ ݙیندے انہاں کیتے منصب سنبھالݨ تے نیک خواہشات دا اظہار کیتے۔ سینیٹ سیکرٹریٹ موجب آپݨے تہنیتی پیغام اچ چیئرمین سینیٹ آکھیا جو فاطمہ زہرا المنصوری دی بطور وزیراعظم تقرری مراکش دی سیاسی تاریخ اچ ہک اہم سنگِ میل تے سیاسی قیادت و عوامی خدمت اچ تریمتاں دے کردار دا اعتراف اے۔ انہاں ایں اعتماد دا اظہار کیتا جو فاطمہ زہرا المنصوری اپݨے تجربے تے قائدانہ صلاحیتاں کوں بروئے کار گھن آندے مراکش دی ترقی، خوشحالی تے عوامی فلاح و بہبود اچ مؤثر کردار ادا کریسن۔چیئرمین سینیٹ سید یوسف رضا گیلانی یاد ݙوایا جو شہید محترمہ بے نظیر بھٹو پاکستان تے عالمِ اسلام دی پہلی تریمت وزیراعظم ہن جنہاں جمہوریت تے عوامی خدمت کیتے ناقابلِ فراموش خدمات انجام ݙتیاں۔ انہاں آکھیا جو مراکش اچ پہلی خاتون وزیراعظم دی تقرری عالمِ اسلام اچ تریمتاں دی سیاسی شمولیت تے قیادت دے حوالے نال ہک ٻئی اہم پیشرفت اے۔انہاں آکھیا جو پاکستان تے مراکش وچال پراݨے بھرپی دے تعلقات ہن جہڑے سانجھے احترام، مشترکہ اقدار، نیڑے پارلیمانی رابطے تے عوامی سطح تے تکڑے تعلقات تے استوار ہن۔ انہاں ایں اعتماد دا اظہار کیتا جو نویں حکومت دے دور اچ ݙوہیں ملکاں دے سانجھے تعلقات، بالخصوص پارلیمانی تعاون، مزید مستحکم تھیسی۔چیئرمین سینیٹ مملکتِ مراکش دی حکومت تے عوام کیتے امن، ترقی تے خوشحالی کیتے نیک خواہشات دا اظہار کیتا۔