وفاقی وزیر قانون اعظم نذیر تارڑ نال ملتان ہائی کورٹ بار اتے ٻنھاں بار ایسوسی ایشنز دے وفداں دی ملاقات

اسلام آباد۔31جولائی(اے پی پی)وفاقی وزیر قانون و انصاف سینیٹر اعظم نذیر تارڑ نال ملتان ہائی کورٹ بار دے وکلا دا وفد ملیے۔ ملاقات اچ وکلا دی فلاح و بہبود، بار ایسوسی ایشنز دے مسلیاں اتے انہاں دے حل بارے معاملیاں تے ڳالھ مہاڑ کیتی ڳئی۔ وزارتِ قانون و انصاف دے مطابق ملتان ہائی کورٹ بار دے صدر وکلا برادری کیتے چاتے ڳئے حکومتی اقدامات تے وزیر قانون دا شکریہ ادا کریندے وزارتِ قانون دے کردار دی تعریف کیتی۔ وفداں اچ لودھراں، راجن پور، مظفرڳڑھ، علی پور، جلال پور، کبیر والا اتے بورے والا بارز دے صدور اتے نمائندیاں شرکت کیتی۔ ایں موقع تے وفاقی وزیر قانون بارز دے نمائندیاں نال کھل تے الایا اتے انہاں دے مسائل توجہ نال سݨیے۔ انہاں یقین ݙیوایا جو وکلا دے مسائل دے حل کیتے پورا ہتھ ونݙایا ویسی۔