مسلم لیگ (ن) آزاد کشمیر دے اڳوں انتخابات وچ بھرپور شرکت کریسی، وفاقی وزیر پارلیمانی امور ڈاکٹر طارق فضل چوہدری

اسلام آباد۔2اگست (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو مسلم لیگ (ن) آزاد کشمیر دے اڳوں انتخابات وچ بھرپور شرکت کریسی۔ طارق فضل چوہدری آکھیا جو آزاد کشمیر وچ ن لیگ ݙو ترائے اکثریت نال حکومت بݨیسی، 9 مئی دے واقعیں دی مدعی حکومت کائنی ، ریاست پاکستان اتے عوام ہن۔ طارق فضل چوہدری آکھیا جو پاکستان رافیل طیارے ڈھاتے دنیا کوں حیران کر ݙتا، آپریشن بنیان المرصوص تاریخی کامیابی اے۔ مسئلہ کشمیر تے پاکستان دی پالیسی صاف اتے واضح اے۔مسلم لیگ (ن) آزاد کشمیر آکھیے جو آزاد کشمیر وچ اڳوں حکومت مسلم لیگ (ن) دی ہوسی، ݙو تہائی اکثریت نال حکومت بݨیسوں، عزم، معرکہ حق دی فتح تے پوری قیادت پرعزم اے، اے ݙینھ بھرپور انداز وچ منیسوں۔مسلم لیگ (ن) آزاد کشمیر توں جاری بیان موجب شرقی باغ توں سردار شاہد آفتاب دی مسلم لیگ (ن) وچ شمولیت دی تقریب توں خطاب کریندے ہوئیں ،مسلم لیگ (ن) آزاد کشمیر دے صدر شاہ غلام قادر خطاب کریندے آکھیا جو ن لیگ دے سوا آزاد کشمیر وچ کوئی جماعت حکومت بݨاوݨ دی اہل کائنی ، پیپلز پارٹی 33 وچوں 18 حلقیں وچ امیدوار ہی تلاش کریندی پئی اے، موجودہ حکومت چوچیاں دا مربہ اے، ترقیاتی منصوبے بند تھی ڳئن، آزاد ریاست جموں و کشمیر دی حیثیت کوں مکاوݨ دیاں کوششاں تھیندیاں پئن، نظریاتی اختلاف پیدا کر تے ریاستی ڈھانچے کوں نشانہ بݨایا ویندا پئے۔سابق وزیراعظم راجہ فاروق حیدر آکھیا جو موجودہ حکومت کوں ووٹ ݙیوݨ سیاسی زندگی دی ساریاں توں وݙی غلطی ہئی، آزاد کشمیر وچ ریاست پاکستان دے خلاف کھلی ڳالھ مہاڑ کرݨ ہک خطرناک رجحان اے، اساکوں پاکستان نال نظریاتی رشتہ تکڑا رکھݨا اے، لیکن حقوق تے سمجھوتہ نی۔ سینئر نائب صدر مشتاق منہاس آکھیا جو 2016 وچ وݙے سیاسی لیڈراں کوں ہرایا ہئی، لوٹیں دی کوئی لوڑھ کائںی ۔ سیکرٹری جنرل چوہدری طارق فاروق آکھیا جو مسلم لیگ (ن) آزاد کشمیر دی ساریں توں وݙی نظریاتی و انتخابی جماعت اے۔ انتخابات نیڑے ہن، ن لیگی کارکناں اتحاد اتے یقین نال کم کرن۔ تقریب وچ ممبر قانون ساز اسمبلی چوہدری محمد اسماعیل، نورین عارف، راجہ محمد یاسین خان شریک ہن۔ تقریب وچ سید شوکت علی شاہ، چوہدری محمد سعید، ڈاکٹر مصطفیٰ بشیر عباسی، مرتضیٰ گیلانی، سردار فرحان اعظم، سردار اسامہ زاہد موجود ہن۔ شمولیت پروگرام وچ اعجاز کھٹانہ، سابق رکن سحرش قمر، سردار نسیم سرفراز خان اتے ݙوجھے مسلم لیگی عہدیداران و کارکناں دی وݙی تعداد شریک ہئی۔