نو مئی دے ذمہ وار اتے سہولت کاراں کوں قانون موجب کچاری اچ آوݨا ہوسی، ڈی جی آئی ایس پی آر

راولپنڈی۔21اگست (اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹر جنرل لیفٹیننٹ جنرل احمد شریف چوہدری آکھیے جو 9 مئی دے ذمہ وار اتے سہولت کاراں کوں قانون موجب کچاری اچ آوݨا ہوسی، بھارت کوں پاکستان اتے پاک فوج دا بھرپور جواب ملیا تاں انہاں دیاں آپݨیاں پراکسیز اتے او خود بدنام تھی ڳئے، نیشنل ایکشن پلان دے 14 نکتے تے مکمل عمل ٻہوں ضروری اے اے۔ اے ڳالھ انہاں خمیس کوں صحافیاں نال ڳالھ مہاڑ کریندیں آکھی۔ ڈی جی آئی ایس پی آر آکھیے جو سہیل وڑائچ دے جیں آرٹیکل دی ڳالھ تھیندی پئی اے او برسلز دا ایونٹ ہئی اتے اتھاں سینکڑاں لوکاں فیلڈ مارشل دے نال تصویر بݨوائی، آرمی چیف ولوں کوئی انٹرویو نئیں ݙتا ڳیا، پی ٹی آئی دا کوئی ذکر نی تھیا نہ ہی معافی دا ذکر تھئے۔ ذاتی مفاد اتے تشہیر کیتے اے ہک صحافی دی آپݨی کوشش اے۔ انہاں آکھیا جو 9 مئی دے ذمہ وار اتے سہولت کاراں کوں قانون موجب کچاری اچ آوݨا ہوسی، افسوس دی ڳالھ اے جو سینئر صحافی تھی تے وی غیر ذمہ واری دا مظاہرہ کیتا ڳئے۔ انہاں آکھیا جو پاکستان خطے دی تقدیر تبدیل کرݨ آلا ملک اے، ایں سانڳے ایں تے مسلسل حملے تھیندن، ہندوستان دا خیال ہئی جو آپݨیاں دہشت گرد پراکسیز اتے ݙوجھے سہولت کاراں دی مدد دے بعد جݙاں او حملہ کریسی تاں پاکستانی فوج کوں سوکھیں بدنام کر ݙیسی لیکن سارا کجھ الٹ تھی ڳیا، پاکستان اتے پاک فوج دا بھرپور جواب ملیا تاں انہاں دیاں آپݨیاں پراکسیز اتے او خود بدنام تھی ڳئے۔ انہاں آکھیا جو کہیں انہاں کوں آکھیا جو ہندوستان ارباں ڈالر دی عسکری مشین رکھیندے تاں سوکھیں پاکستان کوں شکست ݙے ݙیسن، کہیں آکھیا جو بھارت کوں حملہ کرݨا چاہیدے تاں جو ہک پاسوں ہندوستان اتے ݙوجھے پاسوں انہاں دیاں پراکسیز فتنۃ الخوارج اتے فتنۃالہندوستان وی ہکے ویلھے حملہ کریسن اتے ول دنیا ݙٹھا جو پاکستان ݙوہیں محاذاں تے دشمن دا مقابلہ کیتا۔ انہاں آکھیا جو پاکستان توں دہشت گردی کوں مکاوݨ کیتے غیر قانونی سپیکٹرم کوں ختم کرݨ دا جیڑھا فیصلہ سارے سیاسی پارٹیاں 2014 اچ کیتا ہئی، اڄ تئیں ایں تے مکمل عمل نی تھی سڳیا، غیر قانونی طور تے رہݨ آلے افغان شہری جیڑھے جرائم اچ ملوث ہن، کوں کڈھوں تاں ساݙے ہی ملک دے کجھ سیاسی و کرمنل کرداراں کوں مسئلہ شروع تھی ویندے۔ انہاں آکھیا جو نیشنل ایکشن پلان دے 14 نکات تے مکمل عمل ٻہوں ضروری اے، گورننس دے خلاء کوں فوج، پولیس، قانون نافذ کرݨ آلے ادارے روزانہ دی بنیاد تے آپݨے خون نال پورا کریندے پئن۔ انہاں آکھیا جو پاکستانی نوجوان ساݙا اثاثہ ہن، نوجواناں کوں آپݨی نظریاتی ریاست دی میراث اتے تاریخ سمجھݨی چاہیدی اے۔