راولپنڈی۔ 21 اگست(اے پی پی)چیئرمین جوائنٹ چیفس آف سٹاف کمیٹی (سی جے سی ایس سی) جنرل ساحر شمشاد مرزا، این آئی، این آئی (ایم) ازبکستان دے نال پاکستان دے ڳھاٹے اتے برادرانہ تعلقات کوں اڳونہا کریندے علاقائی امن، استحکام اتے خوشحالی کوں ودھاوݨ سانگے ودھ تعاون دا عزم دوہرائے۔ آئی ایس پی آر توں جاری بیان دے مطابق سی جے سی ایس سی ازبکستان دے سرکاری دورے اچ ازبکستان دے …
چیئرمین جوائنٹ چیفس آف سٹاف کمیٹی جنرل ساحر شمشاد مرزا دا ازبکستان دا سرکاری دورہ
مزید خبراں
راولپنڈی۔ 21 اگست(اے پی پی)چیئرمین جوائنٹ چیفس آف سٹاف کمیٹی (سی جے سی ایس سی) جنرل ساحر شمشاد مرزا، این آئی، این آئی (ایم) ازبکستان دے نال پاکستان دے ڳھاٹے اتے برادرانہ تعلقات کوں اڳونہا کریندے علاقائی امن، استحکام اتے خوشحالی کوں ودھاوݨ سانگے ودھ تعاون دا عزم دوہرائے۔ آئی ایس پی آر توں جاری بیان دے مطابق سی جے سی ایس سی ازبکستان دے سرکاری دورے اچ ازبکستان دے صدر شوکت مرزییوئیف، وزیر دفاع میجر جنرل شکرت خولمخمیدوف اتے سیکرٹری قومی سلامتی کونسل لیفٹیننٹ جنرل وکٹر محمودوف نال ملاقاتاں کیتیاں۔ گالھ مہار اچ آپس دی دلچسپی دے معاملیاں تے زور ݙیندے بین الاقوامی اتے علاقائی جغرافیائی سیاسی اتے سلامتی دے ماحول دا احاطہ کیتا ڳیا۔ ݙوہائیں فریقاں دفاع اتے سلامتی دے شعبیاں، سڑک اتے ریل رابطے اتے تعاون دے مواقع اچ ݙوطرفہ تعلقات کوں ٻیا تکڑا بݨاوݨ سانگے امکانات دی امید کیتی۔ چیئرمین جے سی ایس سی ازبکستان نال پاکستان دے برادرانہ تعلقات تے الایا اتے علاقائی امن، استحکام اتے خوشحالی کوں ودھاوݨ سانگے مشترکہ عزم تے زور ݙتا۔ ازبکستان دی قیادت پاکستان دیاں مسلح افواج دی پیشہ وارانہ مہارت دی تعریف کیتی اتے دہشت گردی دے خلاف جنگ اچ انہاں دیاں قربانیاں کوں سراہا۔
