نائب وزیراعظم / وزیر خارجہ سینیٹر محمد اسحاق ڈار نال متحدہ عرب امارات دے سفیر حماد عبید ابراہیم سالم الزعابی دی الوداعی ملاقات

اسلام آباد۔22اگست (اے پی پی) نائب وزیراعظم / وزیر خارجہ سینیٹر محمد اسحاق ڈار نال متحدہ عرب امارات دے سفیر حماد عبید ابراہیم سالم الزعابی پاکستان اچ آپݨی مدت تعیناتی مکمل تھیوݨ تے الوداعی ملاقات کیتی۔ دفتر خارجہ دے ترجمان ݙسیا جو نائب وزیراعظم و وزیر خارجہ پاکستان اتے یو اے ای دے تعلقات کوں مزید مستحکم بݨاوݨ اچ سفیر دیاں خدمات دی تعریف کیتی۔ انہاں ݙوہیں ملکاں وچال نیڑے دا تعاون جاری رکھݨ اتے انہاں دیاں آندیاں ذمے واریاں کیتے نیک خواہشات دا اظہار کیتا