نائب وزیراعظم دی اڳواݨی اچ ایکنک دا اجلاس، 212 ارب روپے دے جناح میڈیکل کمپلیکس اینڈ ریسرچ منصوبے دی منظوری

اسلام آباد۔22اگست (اے پی پی)نائب وزیراعظم و وزیر خارجہ سینیٹر محمد اسحاق ڈار دی اڳواݨی اچ ایگزیکٹو کمیٹی آف نیشنل اکنامک کونسل (ایکنک) دے اجلاس اچ 212 ارب روپے دی لاگت دے جناح میڈیکل کمپلیکس اینڈ ریسرچ منصوبے دی منظوری ݙے ݙتی ڳئی۔ نائب وزیراعظم و وزیر خارجہ اسحاق ڈار دی سربراہی اچ اجلاس اچ 212 ارب روپے دی لاگت نال جناح میڈیکل کمپلیکس اینڈ ریسرچ پراجیکٹ تے غور کیتا اتے ایںدی منظوری ݙتی ڳئی۔ منصوبے دے تحت جدید ترین سہولتاں دا ہک تربیتی کیئر ہسپتال ٻݨایا ویسی۔ ایکنک ہدایت کیتی جو منصوبے تے عمل درآمد اتے ویلھے سر تکمیل کیتے فنانسنگ سانڳے کمیٹی ٻݨائی ونڄے۔ اجلاس اچ وزیر منصوبہ بندی، وزیر خزانہ، ایڈیشنل سیکرٹریز، وزیراعظم دے معاون خصوصی طارق باجوہ، صوبائی وزراء اتے وفاقی سیکرٹریز کیبنٹ، منصوبہ بندی، خزانہ، صحت اتے اکنامک افئیرز ڈویژن شرکت کیتی۔