وفاقی وزیر تجارت جام کمال خان دا بنگلہ دیش دا دورہ مکمل

ڈھاکہ۔25اگست(اے پی پی)وفاقی وزیر تجارت جام کمال خان بنگلہ دیش دا چار ݙینہہ دا سرکاری دورہ مکمل کر ڳھدے۔ آپݨے دورے اچ انہاں مشیر برائے صنعت، مشیر برائے خوراک اتے مشیر برائے تجارت ملاقاتاں کیتن۔ انہاں مختلف چیمبرز آف کامرس اینڈ انڈسٹریز دا دورہ کیتا اتے وسیع شعبیاں دے کاروباری رہنماواں نال ڳالھ مہاڑ کیتی۔ وزیر تجارت شپ بریکنگ فیسلٹی اتے ہک دواسازی دے ادارے دا وی دورہ کیتا اتے انہاں شعبیاں اچ تعاون دے امکانات تے گالھ مہاڑ کیتی۔ انہاں بنگلہ دیشی معاشی و تجارتی حکام نال وی ملاقاتاں کیتیاں جیدنے اچ بنگلہ دیش انویسٹمنٹ ڈویلپمنٹ اتھارٹی دے ایگزیکٹو چیئرمین، نیشنل بورڈ آف ریونیو، بنگلہ دیش بینک، ٹریڈنگ کارپوریشن آف بنگلہ دیش، وزارت شہری ہوابازی اتے ٹریڈ اینڈ ٹیرف کمیشن دے حکام شامل ہن۔ دورے اچ پاکستان اتے بنگلہ دیش وچال تجارتی امور تے سانجھے ورکنگ گروپ دے قیام کیتے مفاہمتی یادداشت تے دستخط کیتے ڳئے۔ اے ورکنگ گروپ ݙوہیں ملکاں دے تجارتی حکام کوں جڑیسی تاں جو آپسی وپار اتے سرمایہ کاری کوں ودھایا ونج سڳے۔ وفاقی وزیر تجارت جام کمال خان ڈھاکہ توں وطن روانہ تھئن۔ انہاں کوں ایئرپورٹ تے بنگلہ دیش دے مشیر برائے تجارت شیخ بشیر الدین رخصت کیتا۔