اسلام آباد۔27اگست (اے پی پی) پاکستان غزہ دے علاقے خان یونس اچ نصر ہسپتال تے اسرائیلی فضائی حملے دی شدید مذمت کریندیں آکھیے جو عالمی برادری اسرائیل کوں ایجھے سفاکانہ جرائم تے جواب ݙیوݨ آلا بݨاوے اتے ایں دی بے لگام جارحیت کوں روکݨ کیتے موثر اقدامات کیتے ونڄن۔ دفتر خارجہ توں جاری بیان اچ آکھیا ڳئے جو پاکستان غزہ دے علاقے خان یونس اچ نصر ہسپتال تے اسرائیلی فضائی …
عالمی برادری اسرائیل کوں سفاکانہ جرائم تے جواب ݙیوݨ آلا بݨاوے، جارحیت کوں روکݨ کیتے موثر اقدامات کیتے ونڄن، پاکستان
مزید خبراں
اسلام آباد۔27اگست (اے پی پی) پاکستان غزہ دے علاقے خان یونس اچ نصر ہسپتال تے اسرائیلی فضائی حملے دی شدید مذمت کریندیں آکھیے جو عالمی برادری اسرائیل کوں ایجھے سفاکانہ جرائم تے جواب ݙیوݨ آلا بݨاوے اتے ایں دی بے لگام جارحیت کوں روکݨ کیتے موثر اقدامات کیتے ونڄن۔ دفتر خارجہ توں جاری بیان اچ آکھیا ڳئے جو پاکستان غزہ دے علاقے خان یونس اچ نصر ہسپتال تے اسرائیلی فضائی حملے دی شدید مذمت کریندے جیں دے نتیجے اچ چار صحافی اتے ہک ریسکیو اہلکار سودھے گھٹ توں گھٹ 21 بے گناہ لوک شہید تھی ڳئن۔ ترجمان دفتر خارجہ آکھیے جو ہک طبی مرکز تے وحشیانہ و سفاکانہ حملہ اتے عام شہریاں و صحافیاں کوں مسلسل نشانہ بݨاوݨ بین الاقوامی انسانی و انسانی حقوق دے قوانین اتے صحافت دی آزادی دی کھلی خلاف ورزی اے، عالمی برادری اسرائیل کوں ایجھے سفاکانہ جرائم تے جواب ݙیوݨ آلا بݨاوے اتے ایں دی بے لگام جارحیت کوں روکݨ کیتے موثر اقدامات کیتے ونڄن۔ ترجمان اسرائیلی فوجاں ولوں شام دی زمین تے کیتی ڳئی جارحیت کوں وی بین الاقوامی قوانین اتے اقوام متحدہ دے چارٹر دی خلاف ورزی قرار ݙیندیں ایں دی سخت ترین لفظاں اچ مذمت کیتی اے اتے آکھیے جو پاکستان شام دی خودمختاری، آزادی اتے علاقائی سالمیت دی مکمل حمایت کریندے اتے عالمی برادری توں مطالبہ کریندے جو اسرائیل کوں پورے خطے دے امن و استحکام کوں ضیان پُجاوݨ توں روکیا ونڄے
