نائب وزیراعظم محمد اسحاق ڈار نال سپین دے سینیٹر ویسنٹ ازپیٹارٹے پیریز دی ملاقات

اسلام آباد۔28اگست (اے پی پی) نائب وزیراعظم / وزیر خارجہ سینیٹر محمد اسحاق ڈار نال سپین دی سینیٹ دے رُکن سینیٹر ویسنٹ ازپیٹارٹے پیریز ِاتھاں ملاقات کیتی۔ دفتر خارجہ توں جاری بیان موجب ملاقات اچ پاکستان اتے سپین دے وچال پارلیمانی رابطے کوں مزید تکڑا کرݨ اتے سیاسی، معاشی و ثقافتی شعبیں اچ تعاون ودھاوݨ بارے ڳالھ مہاڑ کیتی ڳئی۔ نائب وزیراعظم / وزیر خارجہ سینیٹر محمد اسحاق ڈار سینیٹر پیریز دی پارلیمانی تعلقات کوں ودھاوݨ کیتے کوششاں دی تعریف کیتی ۔ ایں موقع تے سینیٹر پیریز نے نائب وزیراعظم / وزیر خارجہ کوں سپین دے دورے دی دعوت وی ݙتی۔