اسلام آباد-29 اگست (اے پی پی)وفاقی وزیر خزانہ اتے محصولات سینٹر محمد اورنگزیب ابو ظہبی اچ قائم عالمی سرمایہ کاری اتے سٹریٹیجک ایڈوائزری خدمات ݙیوݨ آلی کمپنی ای آئی ایکس دے گروپ چیف انفارمیشن آفیسر محمد برادی دی اڳواݨی اچ آوݨ آلے یو اے ای دے سرمایہ کاراں اتے تاجراں دے وفد نال ملاقات کیتی۔ وزیر خزانہ امید کیتی جو حکومتی اہلکاراں، نجی شعبے دے نمائنداں اتے مقامی سرمایہ کاراں دے نال انہاں دی ملاقاتاں نال ملک اچ سرمایہ کاری دی صلاحیتاں اچ ودھارا تھیسی۔ وزیر خزانہ وفد کوں پاکستان دی معیشت اتے گزریل ݙیݙھ سال اچ کیتی ڳئی وݙے پیمانے تے ڈھانچہ جاتی اصلاحات دا ݙسایا۔ وزیر خزانہ سرمایہ کاراں دے خدشات دور کرݨ کیتے حکومت دے عزم تے زور ݙیندے ٹیکس اصلاحات، ٹیرف اچ کمی، سرکاری اداراں دی نجکاری اتے ٻئے جرات مندانہ ڈھانچہ جاتی اقدامات ݙسائے اتے یقین ݙیوایا جو حکومت انہاں دی سرمایہ کاری اچ پورا تعاون ݙیسی۔ انہاں سرمایہ کاری دے ماحول کوں بہتر بݨاوݨ کیتے تیکھے سامݨے آوݨ آلی نویں صنعتی پالیسی دا وی ݙسیا۔ وفد پاکستان دی صلاحیتاں تے اعتماد کریندے ملک اچ مختلف شعبیاں اچ سرمایہ کاری کرݨ اچ دلچسپی ݙکھائی۔
