وزیرِاعظم محمد شہباز شریف شنگھائی تعاون تنظیم دے 25ویں سربراہی اجلاس اچ شرکت کیتے پُج ڳئے

تیانجن ۔1ستمبر (اے پی پی) وزیرِاعظم محمد شہباز شریف چین دے شہر تیانجن اچ تھیوݨ آلے شنگھائی تعاون تنظیم دے 25ویں سربراہی اجلاس اچ شرکت کیتے پُج ڳئے۔ سنوار کوں کنونشن سینٹر پُجݨ تے شنگھائی تعاون تنظیم دے سربراہ اجلاس اچ شریک اڳواݨاں دا گروپ فوٹو سیشن تھیا جئیں اچ وزیر اعظم محمد شہباز شریف شریک ہن۔ اجلاس اچ اہم عالمی اڳواݨاں سودھے کئی رُکن ملکاں دے سربراہان شریک ہن۔ چین دے صدر شی جن پنگ دے افتتاحی خطاب نال اجلاس دا باقاعدہ آغاز تھیا۔ انہاں ایس سی او دے مقصداں، ہدفاں اتے ہݨ تئیں دی کامیابیاں تے روشنی پیندیں ہوئیں آکھیا جو ایس سی او ویلھے دے نال ہک مضبوط تنظیم بݨ ڳئی اے، اے تنظیم آپسی اعتماد اتے فائدے دے اصولاں دے تحت اڳوں ودھدی پئی اے، ایس سی او ملکاں اچ تعاون ودھاوݨ دے بہوں امکانات اتے گنجائش موجود اے جئیں توں فائدہ چاوݨ دی لوڑھ اے۔ انہاں تجارت، معیشت سودھے مختلف شعبیاں اچ موجود موقعیاں توں فائدہ چاوݨ دی لوڑھ تے زور ݙیندیں ہوئیں آکھیا جو لوکاں کوں نیڑے گھن آوݨا ہوسی۔