وزیراعلیٰ پنجاب دی زیر صدارت اجلاس، کݨک، اٹا اتے روٹی دے ملھ ہتھیکے رکھݨ کیتے سخت اقدامات دی ہدایت

لاہور۔4ستمبر (اے پی پی)وزیراعلیٰ پنجاب مریم نواز دی اڳواݨی اچ خصوصی اجلاس تھیا جیںدے اچ کݨک، اٹا اتے روٹی دے ملھ ہتھیکے رکھݨ کیتے سخت اقدامات دا فیصلہ کیتا ڳیا۔ فیڈ ملز اچ کݨک دے استعمال تے پابندی اتے دفعہ 144 نافذ کرݨ دا فیصلہ وی کیتا ڳیا۔ اجلاس اچ پیرا دے ایس ڈی اوز کوں کݨک دی ذخیرہ اندوزی مکاوݨ کیتے خصوصی اختیارات ݙتے ڳئے۔ پیرا کوں کݨک دی ذخیرہ اندوزی روکݨ کیتے سخت ترین قانونی کارروائی دا ٹاسک وی ݙتے۔ مریم نواز سیلاب دی اݙ اچ اٹے اتے روٹی دے ملھ ودھاوݨ آلیاں دے خلاف ایکشن دی ہدایت کیتی۔ کݨک دی ذخیرہ اندوزی روکݨ کیتے پرائس کنٹرول مجسٹریٹ کوں فوری طور تے متحرک کر ݙتا ڳیا۔ انہاں آکھیا جو روٹی دا ملھ 14 روپے اتے 20 کلو اٹے دے تھیلے دا ملھ 1810 روپے توں ودھݨا نئیں چاہیدا، کݨک دی ذخیرہ اندوزی عوام نال ویر رکھݨ آلی ڳالھ اے۔