فورسز دیاں خیبرپختونخوا تے بلوچستان اچ کارروائیاں، 7 دہشت گرد جہنم واصل

راولپنڈی۔29 ستمبر(اے پی پی)سکیورٹی فورسز خیبرپختونخوا اتے بلوچستان اچ انٹیلی جنس بیسڈ آپریشنز کریندے فتنہ الہندوستان دے 7 دہشتگرداں کوں جہنم واصل کر ݙتے۔ ‘عزمِ استحکام’ ویژن دے تحت سکیورٹی فورسز دی خیبرپختونخوا اچ دہشتگرداں دے خلاف مؤثر کارروائیاں جاری ہین۔ سکیورٹی ذرائع دے مطابق سکیورٹی فورسز خیبرپختونخوا دے علاقے باڑہ اچ کامیاب انٹیلی جنس بیسڈ آپریشن کریندے فتنہ الہندوستان دے 5 دہشتگرداں کوں ہلاک کر ݙتے، انہاں دہشتگرداں دے قبضے توں بھاری اسلحہ و گولہ بارود ملیے۔ سکیورٹی فورسز دی بھرپور کارروائی اچ فتنہ الخوارج دے ٹھکاݨیاں کوں مکمل طور تے تباہ کر ݙتا ڳئے۔ ٻئے پاسو سکیورٹی فورسز دیاں بلوچستان اچ ‘آپریشن ردالفتنہ 3’ دے تحت دہشتگرداں خلاف بھرپور کارروائیاں جاری ہین۔ سکیورٹی ذرائع دے مطابق ضلع چاغی دے علاقے نوکچہ اچ سکیورٹی فورسز کامیاب کارروائی کر تے 2 دہشتگرد ہلاک کر ݙتن، فتنہ الہندوستان دے دہشتگرداں نوکچہ اچ خالی واٹر باؤزر کوں ٻھا لاوݨ دے بعد فرار تھیوݨ دی کوشش کیتی۔ سکیورٹی فورسز فوری تے مؤثر کارروائی کریندے ہوئیں فتنہ الہندوستان دے 2 دہشت گرداں کوں جہنم واصل کیتا، فتنہ الہندوستان دے دہشت گرد این-40 شاہراہ تے ٻھا لاوݨ دیاں کارروائیاں اچ وی ملوث ہن۔ سکیورٹی ذرائع دا آکھݨ اے جو 31 اگست کوں وی ایںجھیاں تخریبی کارروائیاں اچ ملوث فتنہ الہندوستان دے 11 دہشتگرد ماریے ڳئن۔