یومِ دفاع ساݙی جرات، قربانی اتے اتحاد دی روشن علامت اے، سردار اویس احمد خان لغاری

اسلام آباد۔6ستمبر(اے پی پی) وفاقی وزیر توانائی سردار اویس احمد خان لغاری آکھیے جو یومِ دفاع ساݙی جرات، قربانی اتے اتحاد دی روشن علامت اے، 6 ستمبر ساݙے ملی تشخص اتے شہداء دی لازوال قربانیاں دا ݙینھ اے۔”یومِ دفاع تے پیغام اچ وفاقی وزیر توانائی آکھیے جو پاکستانی عوام اتے افواج ہمیشہ دشمن دے ناپاک عزائم خاک اچ ملا ݙتے، 1965 اچ اتحاد اتے ایمان دی لازوال مثال قائم کیتی ڳئی، پاکستان دیاں دفاعی صلاحیتاں دا اعتراف اڄ پوری دنیا کریندی پئی اے، پاک افواج ہمیشہ ہر جارحیت دا دندان شکن جواب ݙے تے سرحداں دا دفاع کیتا۔وفاقی وزیر توانائی آکھیا جو ہݨے معرکہ حق اچ پاکستان دی فتح پاکستانی قوم اتے فوج دے عزم و استقلال دا منہ ٻولیندا ثبوت اے، ساݙی فوج ہر محاذ تے ساݙا سر فخر نال اچا کیتا۔اویس لغاری آکھیا جو توانائی دے محاذ تے وی ملک دی ترقی و استحکام کیتے پرعزم ہیسے، جیویں فوج ملک دا دفاع کیتا، اساں توانائی دے شعبے اچ ترقی کیتے سرگرم ہیسے۔