چھی ستمبر ساݙی قومی تاریخ دا روشن اتے سنہری باب اے، سردار ایاز صادق

اسلام آباد۔6ستمبر (اے پی پی) سپیکر قومی اسمبلی سردار ایاز صادق یومِ دفاع تے 1965 جنگ دے شہداء اتے غازیاں کوں خراجِ عقیدت پیش کریندیں آکھیے جو “6 ستمبر ساݙی قومی تاریخ دا روشن اتے سنہری باب اے، 1965 جنگ اچ پاک افواج دشمن دے ناپاک عزائم کوں خاک اچ ملا ݙتا۔اتھاں جاری بیان موجب سپیکر سردار ایاز صادق آکھیا جو پاک افواج 1965 اچ جرات و بہادری دیاں لازوال داستاناں رقم کیتیاں، پاکستان ناقابلِ تسخیر قلعہ اے، دشمن میلی اکھ نال ݙیکھݨ دی ہمت نئیں کر سڳدا۔” سپیکر سردار ایاز صادق آکھیا جو “یومِ دفاع اساں کوں شہداء اتے غازیاں دیاں قربانیاں دی یاد ݙویندے، قوم آپݨے جاں نثاراں اتے غازیاں کوں سلام پیش کریندی اے۔ سپیکر سردار ایاز صادق آکھیے جو “شہداء دیاں لازوال قربانیاں تاریخ اچ سنہری لفظاں نال لکھیاں ویسن، دہشتگردی دے خلاف جنگ اچ پاک افواج دیاں بے مثال قربانیاں ناقابلِ فراموش ہن۔ سپیکر سردار ایاز صادق آکھیا جو قدرتی آفتاں اچ افواج پاکستان ہمیشہ اگلے دستے دا کردار ادا کیتا، افواج پاکستان دہشتگردی مکاوݨ اتے امن دے قیام اچ اہم کردار ادا کیتا، بھارت دی جارحیت دے جواب اچ ‘معرکۂ حق’ قومی تاریخ دا چمکدا ہویا باب اے۔” سپیکر سردار ایاز صادق آکھیا جو’معرکۂ حق’ اچ افواج پاکستان دی جرات، قربانی اتے صلاحیتاں دنیا بھر اچ بے مثال رہیاں، پاکستانی عوام ‘معرکۂ حق’ اچ قومی یکجہتی اتے ثابت قدمی دا شاندار مظاہرہ کیتا۔سپیکر سردار ایاز صادق آکھیا جو افواج پاکستان معرکۂ حق اچ دشمن دے مذموم عزائم کوں ناکام بݨایا، قومی یکجہتی اتے عسکری قیادت دا مضبوط رشتہ پاکستان دا اصل ہتھیار اے، ساݙیاں افواج اڄ وی ناقابلِ شکست ہن، ایہو جذبہ پاکستان دے استحکام دی ضمانت اے۔ سپیکر قومی اسمبلی سردار ایاز صادق سپہ سالار جنرل عاصم منیر دی قیادت کوں خراجِ تحسین پیش کریندیں آکھیا جو جنرل عاصم منیر دیاں افواج پاکستان کوں ہݨے دور دے تقاضیں نال ہم آہنگ کرݨ دیاں کوششاں لائقِ تحسین ہن، شہداء ساݙے اصل ہیرو ہن، انہاں دیاں قربانیاں ہمیشہ یاد رکھیاں ویسن۔ سپیکر قومی اسمبلی شہداء دے درجات دی بلندی اتے ملک دی ترقی، سلامتی اتے استحکام کیتے خصوصی دعا منڳی۔