سلام انہاں تے جو رحمت اللعالمین، سلام انہاں تے جیڑھے وجہ تخلیقِ کائنات اتے سلام انہاں تے جیڑھے فخرِ موجودات ہن، مریم نواز

لاہور۔6ستمبر (اے پی پی) عید میلاد النبی ﷺ تے وزیراعلیٰ مریم نواز پیغام اچ آکھیے جو سلام انہاں تے جیڑھے رحمت اللعالمین ہن۔ سلام انہاں تے جیڑھے وجہ تخلیقِ کائنات ہن۔ سلام انہاں تے جیڑھے فخرِ موجودات ہن۔ وزیراعلیٰ عید میلاد النبی ﷺ دے بابرکت موقع تے امت مسلمہ کوں دلوں مبارخ ݙتی ۔ انہاں آکھیے جو “عید میلاد النبی ﷺ پوری امت مسلمہ کیتے خوشی دا پیغام اے۔ نبی کریم ﷺ دی دنیا اچ آوݨ پوری کائنات کیتے باعثِ رحمت و سعادت اے۔ آپ ﷺ دیاں تعلیمات بنی نوع انسان کوں اندھارے توں سیاوج ثریا تئیں پڄا ݙتا۔ حضور پاک ﷺ دیاں تعلیمات تے عمل کرݨ اچ ای ہر کامیابی پنہاں اے۔ حضور ﷺ امن و آشتی، احترامِ انسانیت، مساوات، عفو و درگزر اتے عدل و انصاف دا درس ݙتا۔ حضور اکرم ﷺ دی تعلیمات تے عمل کر تے معاشرے توں ظلم، زیادتی، ناانصافی اتے بدامنی دا خاتمہ ممکن اے۔ حضرت محمدﷺ دی محبت دا تقاضا اے جو اساں آپݨے اختلافات کوں مفاہمتی حکمت عملی دی روشنی اچ حل کروں۔ نبی کریم ﷺ دی زندگی قرآن دی عملی تفسیر اے۔ ریاست اتے سیاست ݙوهیں دی کامیابی صرف ایں ویلھے ممکن اے جݙاں سیرتِ طیبہﷺ دی اتباع کیتی ونڄے۔ لازمی اے جو اساں آپݨی انفرادی اتے اجتماعی زندگی کوں حضور ﷺ دے اسوہ حسنہ موجب بݨاوں۔