یوم ولادت سرکارِ دو عالم خاتم النبین حضرت محمد ﷺ دے موقع تے پاک فوج ولوں وفاقی دارالحکومت وچ 31 جݙاں جو صوبائی دارالحکومتاں وچ 21 توپاں دی سلامی

اسلام آباد-6 ستمبر (اے پی پی) یوم ولادت سرکارِ دو عالم خاتم النبین حضرت محمد ﷺ دے موقع تے پاک فوج ولوں وفاقی دارالحکومت وچ 31 جݙاں جو صوبائی دارالحکومتاں وچ 21 توپاں دی سلامی ݙتی ڳئی۔ سرکارِ دو عالم خاتم النبین حضرت محمد ﷺ دا جشنِ ولادت انتہائی مذہبی عقیدت و احترام نال منایا ویندا پئے ۔ ملک وچ نماز فجر دے بعد ملک دی سلامتی اتے خوشحالی کیتے خصوصی دعاواں منڳیاں ڳئیاں۔ یومِ ولادتِ رسول ﷺ دے موقع تے سویرے سویرے پاک فوج ولوں چارے صوبائی دارالحکومتاں وچ 21 جݙاں جو وفاقی دارالحکومت وچ 31 توپاں دی سلامی ݙتی ڳئی۔ سلامی دے بعد پاک فوج دے جواناں نعرہ تکبیر بلند کیتا اتے فضا اللہ اکبر اتے پاک فوج زندہ باد دے نعریں نال گونج اٹھی ۔12 ربیع الاوّل دے موقع تے ملک وچ رات کوں چراغاں کیتا ڳیا، محافل میلاد وچ حضور ﷺ دی خدمت وچ عقیدت دے پھل ونݙے ڳئے اتے آقائے دو جہان ﷺ دے حضور درود و سلام دے گلدستے وی پیش کیتے ڳئے۔