وزیراعظم شہباز شریف 17 خوارج کوں ہلاک کرݨ تے سیکیورٹی فورسز کوں خراج تحسین

واشنگٹن۔ 27 ستمبر (اے پی پی) وزیراعظم محمد شہباز شریف ضلع کرک اچ 17 خوارج کوں ہلاک کرݨ تے سیکیورٹی فورسز کوں خراج تحسین پیش کریندے آکھیے سیکیورٹی فورسز دی پیشہ ورانہ مہارت تے وقتی کارروائی پاروں خوارج دے مذموم عزائم مٹی اچ ڑل ڳئن۔ وزیر اعظم دفتر دے میڈیا ونگ توں جاری بیان موجب وزیراعظم شہباز شریف ضلع کرک اچ سیکیورٹی فورسز دے آپریشن اچ زخمی تھیوݨ آلے اہلکاراں دی وقتی صحتیابی دی دعا کیتی۔ انہاں آکھیے جو سیکیورٹی فورسز دی پیشہ ورانہ مہارت تے وقتی کارروائی پاروں خوارج دے مذموم عزائم مٹی اچ رل ڳئن ۔حکومت تے سیکیورٹی فورسز دہشتگردی مکاوݨ سانڳے پرعزم ہن۔ وزیراعظم آکھیے جو دہشتگردی دی عفریت کوں وقتی منڈھوں مُکا ݙیسوں۔