نائب وزیراعظم اسحاق ڈار دی صدارت اچ اجلاس، تریمتاں متعلق 9 ویں او آئی سی وزارتی کانفرنس تیاریاں دا جائزہ

اسلام آباد۔22اکتوبر(اے پی پی)نائب وزیراعظم / وزیر خارجہ سینیٹر محمد اسحاق ڈار دی صدارت اچ اجلاس تھیا جیں اچ تریمتاں متعلق 9 ویں او آئی سی وزارتی کانفرنس دیاں تیاریاں دا جائزہ ڳھدا ڳئے جیڑھی 2026 دے اوائل اچ پاکستان اچ تھیسی۔ ترجمان وزارت خارجہ توں جاری بیان موجب نائب وزیراعظم / وزیر خارجہ سینیٹر محمد اسحاق ڈار آوݨ آلی کانفرنس کوں کامیاب بݨاوݨ کیتے پاکستان دے عزم دا اعادہ کیتا اتے او آئی سی دے فریم ورک دے تحت تریمتاں متعلق امور دے ودھارے دی اہمیت تے زور ݙتا۔ انہاں صنفی مساوات اتے تریمتاں کوں بااختیار بݨاوݨ دے ودھارے اچ پاکستان دے فعال کردار کوں اُجاگر کریندے او آئی سی دے نال نیڑے تعاون دی لوڑھ تے زور ݙتا تاں جو سانجھے اہداف حاصل کیتے ونڄ سڳن۔ اجلاس اچ وفاقی وزراء قانون و انصاف اتے آئی ٹی و ٹیلی کمیونیکیشن، معاون خصوصی امور خارجہ، معاون خصوصی طارق باجوہ، کابینہ ڈویژن، انسانی حقوق اتے اطلاعات دے سیکریٹریز، او آئی سی اچ پاکستان دے مستقل مندوب اتے وزارت خارجہ و وزارت انسانی حقوق دے سینئر حکام شرکت کیتی۔