اسلام آباد۔23اکتوبر (اے پی پی) پاکستان قابض اسرائیل ولوں مقننہ اچ متعارف کرائے ڳئے ہک مسودہ قانون دے ذریعے فلسطین اچ غیر قانونی اسرائیلی وستیاں سودھے مقبوضہ مغربی کنارے دے کُجھ حصیاں تے آپݨی نام نہاد "خودمختاری" کوں ودھاوݨ دی کوشش دی شدید لفظاں اچ مذمت کیتی اے۔ ترجمان دفتر خارجہ ولوں جُمے کوں جاری بیان اچ آکھیا ڳیا جو اے اقدامات بین الاقوامی قانون، اقوام متحدہ دی سلامتی کونسل …
پاکستان ولوں فلسطین دی خودمختاری کوں مجروح کرݨ دے اسرائیلی اقدام دی مذمت
مزید خبراں
اسلام آباد۔23اکتوبر (اے پی پی) پاکستان قابض اسرائیل ولوں مقننہ اچ متعارف کرائے ڳئے ہک مسودہ قانون دے ذریعے فلسطین اچ غیر قانونی اسرائیلی وستیاں سودھے مقبوضہ مغربی کنارے دے کُجھ حصیاں تے آپݨی نام نہاد “خودمختاری” کوں ودھاوݨ دی کوشش دی شدید لفظاں اچ مذمت کیتی اے۔ ترجمان دفتر خارجہ ولوں جُمے کوں جاری بیان اچ آکھیا ڳیا جو اے اقدامات بین الاقوامی قانون، اقوام متحدہ دی سلامتی کونسل دی متعلقہ قرارداداں اتے فلسطینی عوام دے ناقابل تنسیخ حقوق دی صریح خلاف ورزی ہن۔ بیان دے مطابق اِیجھے اشتعال انگیز اتے غیر قانونی اقدامات خطے اچ امن و استحکام دے حصول کیتے جاری کوششاں کوں نقصان ݙیندے پئن۔ ترجمان آکھیا جو پاکستان عالمی برادری توں مطالبہ کریندے جو او ایں غیر قانونی اقدامات کوں روکݨ کیتے اڄے اتے فیصلہ کن اقدام کرے اتے اسرائیلی قابض افواج کوں بین الاقوامی قوانین دی مسلسل خلاف ورزیاں کیتے جوابدہ ٹھہرایا ونجے۔ بیان اچ ٻیا آکھیا ڳیا جو پاکستان علاقائی اتے بین الاقوامی شراکت داراں دے نال رَل تے فلسطینی عوام دے حق خودارادیت سودھے انہاں دے حقوق برقرار رکھݨ اتے فلسطینیواں کیتے امن، انصاف اتے وقار کوں یقینی بݨاوݨ کیتے آپݨے عزم دا اعادہ کریندے۔ پاکستان فلسطینی کاز کیتے آپݨی غیر متزلزل حمایت دا وی اعادہ کریندے، جِتھ 1967 توں پہلے دی حداں تے مبنی ہک آزاد، خودمختار، قابل عمل اتے ملحقہ ریاست فلسطین دا قیام وی شامل اے جئیں دا راجگڑھ القدس الشریف ہووے۔
