سپیکر قومی اسمبلی سردار ایاز صادق دا ایوی ایشن ڈویژن دے حکام دی غیر حاضری تے اظہار برہمی

اسلام آباد۔ ۱ دسمبر(اے پی پی) سپیکر قومی اسمبلی سردار ایاز صادق ایوی ایشن ڈویژن دے حکام دی غیر حاضری تے اظہار برہمی کریندے ڈویژن دے سیکرٹری کوں سݙ ڳھدے۔ قومی اسمبلی اجلاس اچ سوالاں دے وقفے ویلھے ارکان دے ایوی ایشن دے سوالاں تے واضح جواب نہ ملݨ تے سپیکر قومی اسمبلی، وفاقی پارلیمانی سیکرٹری زیب جعفر نال الیندے آکھیے جو ایوی ایشن ڈویژن دے حکام کیوں موجود کائینی؟ انہاں کوں اتھاں ولدا ݙیوݨ کیتے موجود ہووݨا چاہیدا ہئی۔ انہاں آکھیا جو ݙسایا ونجے جو ایں ویلھے کیہڑا ایندا ذمہ وار اے، ایںدا تعین کر تے کارروائی کرݨ لازمی اے۔