اسلام آباد۔25 ستمبر (اے پی پی) وفاقی وزیرِ قانون و انصاف سینیٹر اعظم نذیر تارڑ دی صدارت اچ کابینہ کمیٹی تصفیہ قانون سازی امور دا اجلاس منعقد تھیا، جیندے اچ متعلقہ وزارتاں، محکمیں تے ڈویژناں دے حکام شرکت کیتی۔ترجمان وزارتِ قانون و انصاف موجب اجلاس اچ کابینہ کمیٹی آئل اینڈ گیس ریگولیٹری اتھارٹی فیس اینڈ چارجز رولز دی منظوری ݙے ݙتی۔ کمیٹی بجلی دی پیداوار، ترسیل تے تقسیم متعلق قانون …
کابینہ کمیٹی اوگرا فیس و چارجز رولز تے ڈرگز ریسرچ رولز اچ ترامیم دی منظوری ݙے ݙتی
اسلام آباد۔25 ستمبر (اے پی پی) وفاقی وزیرِ قانون و انصاف سینیٹر اعظم نذیر تارڑ دی صدارت اچ کابینہ کمیٹی تصفیہ قانون سازی امور دا اجلاس منعقد تھیا، جیندے اچ متعلقہ وزارتاں، محکمیں تے ڈویژناں دے حکام شرکت کیتی۔ترجمان وزارتِ قانون و انصاف موجب اجلاس اچ کابینہ کمیٹی آئل اینڈ گیس ریگولیٹری اتھارٹی فیس اینڈ چارجز رولز دی منظوری ݙے ݙتی۔ کمیٹی بجلی دی پیداوار، ترسیل تے تقسیم متعلق قانون اچ ترامیم دی مشروط منظوری وی ݙتی۔ اے منظوری کابینہ کمیٹی دیاں سفارشات تے تجویزاں کوں مجوزہ ترامیم اچ شامل کرݨ نال مشروط کیتی ڳئی۔کابینہ کمیٹی پاکستان کوسٹ گارڈز ایکٹ 1973ء اچ علاقائی فنڈ دے قواعد متعلق ترمیم دی وی منظوری ݙے ݙتی جݙاں جو ڈرگز ریسرچ رولز 1978ء اچ مجوزہ ترمیم وی منظور کرڳھدی۔ اجلاس اچ ایف آئی اے ایکٹ 1974ء اچ مجوزہ ترامیم تے امیگریشن رولز 1979ء اچ ترامیم دے معاملات مؤخر کرݙتے ڳئن۔
