پیپلز پارٹی دی تاریخ، قربانی، جدوجہد اتے عوامی خدمت نال بھری ہوئی اے، یوسف رضا گیلانی

اسلام آباد۔ ۱ دسمبر(اے پی پی) چیئرمین سینیٹ سید یوسف رضا گیلانی پاکستان پیپلز پارٹی دے یوم تاسیس دے موقع تے پارلیمنٹ ہاؤس اچ تھیوݨ آلی تقریب اچ سینیٹ دے ارکان نال کیک کٹیا، اتے پارٹی دی قیادت، کارکناں اتے جیالیاں کوں دلوں مبارکباد پیش کیتی۔ ایں موقع تے انہاں خاص طور تے بانی پیپلز پارٹی شہید ذوالفقار علی بھٹو، محترمہ بے نظیر بھٹو شہید، صدر پاکستان آصف علی زرداری اتے چیئرمین پاکستان پیپلز پارٹی بلاول بھٹو زرداری کوں ملک و قوم کیتے انہاں دی شاندار خدمات تے خراج تحسین پیش کیتا۔ سید یوسف رضا گیلانی آکھیا جو پیپلز پارٹی ہر دور اچ عوامی حقوق، وفاق دی مضبوطی، جمہوری قدراں اتے سماجی انصاف کیتے اہم کردار ادا کیتے۔ پیپلز پارٹی عام لوکاں، مزدوراں، محنت کشاں، کساناں، تریمتیں اتے اقلیتاں دی نمائندہ جماعت اے، اتے ایں جماعت قربانیاں ݙے تے جمہوریت دے ودھارے اتے آئینی اصلاحات کیتن۔ تقریب اچ سینیٹ دے ارکان جھئیں شیری رحمان، سید وقار مہدی، اشرف علی جتوئی، بلال احمد خان، دوست علی جیسر، حسنہ بانو، جام سیف اللہ خان، ندیم احمد بھٹو، پونجو بھیل، روبینہ قائم خانی، سرمد علی، شہادت اعوان، سید کاظم علی شاہ، سید مسرور احسن، ضمیر حسین گھمرو اتے ٻئے وی شامل ہن۔