لاہور۔2 دسمبر (اے پی پی) وفاقی وزیر داخلہ تے نارکوٹکس کنٹرول محسن نقوی لاہور ائیرپورٹ دا دورہ کیتا، جتھاں انہاں امیگریشن کاؤنٹرز، مسافراں دی سہولتاں اتے جدید سسٹمز دا تفصیلی جائزہ گھدا۔ دورے دے دوران وزیر داخلہ امیگریشن کاؤنٹرز تے ٹریول ہسٹری کوں شناختی کارڈ اتے پاسپورٹ نال جوڑݨ آلے سسٹم دا معائنہ کیتا۔ محسن نقوی تیز رفتار اتے شفاف امیگریشن سسٹم تے ڈائریکٹر ایف آئی اے علی ضیاء اتے …
وفاقی وزیر داخلہ تے نارکوٹکس کنٹرول محسن نقوی دا لاہور ائیرپورٹ دا دورہ، امیگریشن کاؤنٹرز، جدید سسٹمز دا جائزہ گھدا
مزید خبراں
لاہور۔2 دسمبر (اے پی پی) وفاقی وزیر داخلہ تے نارکوٹکس کنٹرول محسن نقوی لاہور ائیرپورٹ دا دورہ کیتا، جتھاں انہاں امیگریشن کاؤنٹرز، مسافراں دی سہولتاں اتے جدید سسٹمز دا تفصیلی جائزہ گھدا۔ دورے دے دوران وزیر داخلہ امیگریشن کاؤنٹرز تے ٹریول ہسٹری کوں شناختی کارڈ اتے پاسپورٹ نال جوڑݨ آلے سسٹم دا معائنہ کیتا۔ محسن نقوی تیز رفتار اتے شفاف امیگریشن سسٹم تے ڈائریکٹر ایف آئی اے علی ضیاء اتے انہاں دی ٹیم دی کارکردگی دی تعریف کیتی۔ وفاقی وزیر داخلہ بیرون ملک روانہ تھیوݨ آلے مسافراں نال مِلیے اتے امیگریشن پروسیس بارے پچھیا۔ مسافراں وزیر داخلہ کوں ݙسیا جو ہݨ امیگریشن صرف ݙو منٹ اچ پوری تھیندی پئی اے اتے سسٹم اڳوں توں کہیں ودھ بہتر تھی ڳئے۔ مسافراں ایف آئی اے عملے دے رویے اتے کارکردگی تے اطمینان دا اظہار کیتا۔ ایں موقع تے گالھ مہاڑ کریندیں ہوئیں محسن نقوی آکھیا جو پوری سفری دستاویزات رکھݨ آلے کہیں وی مسافر کوں سفر توں نئیں روکیا ویندا پیا اتے نہ روکیا ویسی، البتہ نامکمل یا جعلی دستاویزات رکھݨ آلے مسافراں کوں ہرگز سفر دی موکل نہ ݙتی ویسی۔ انہاں آکھیا جو پاکستان دی عزت اساں ساریاں دی عزت اے، وطن دی بدنامی دا سبب بݨݨ آلے کہیں وی مسافر کوں سفر دی موکل نئیں ݙتی ونڄ سڳدی۔
