قومی کمیشن برائے حقوق اقلتیاں 2025 تے چاتے ڳئے اعتراضات دور کر ݙتے ڳئن، سینیٹر اسحاق ڈار

اسلام آباد۔2 دسمبر (اے پی پی) ڈپٹی وزیراعظم تے وزیر خارجہ سینیٹر اسحاق ڈار آکھیا جو صدر مملکت آصف علی زرداری ولوں قومی کمیشن برائے حقوق اقلیتاں 2025 تے چاتے ڳئے اعتراضات دور کر ݙتے ڳئن، اساکوں ہر شئے کوں سیاست دی نظر نئیں کرݨی چائیدا۔ او منگل کوں پارلیمنٹ دے سانجھے اجلاس اچ خطاب کریندے پئے ہن۔ ڈپٹی وزیراعظم آکھیا جو ہک ایجھا بل زیر غور ہا جیڑھا ڈوہیں ایوان پاس کر ݙتا ہئی جݙاں صدر مملکت دے کول ڳیا تاں انہاں اعتراضات دے نال بل واپس آیا اتے ایندے بعد ٻیا واری اے بل پارلیمنٹ دے سانجھے اجلاس اچ آندا ڳیا۔ انہاں آکھیا جو مولانا فضل الرحمان دی سربراہی اچ جے یو آئی قومی کمیشن حقوق اقلیتاں بل 2025 تے جیڑھے اعتراضات چاتے ہن او دور کر ݙتے ڳئن۔ انہاں پیشکش کیتی جو اگر کہیں قانون کوں بہتر کرݨے تاں اساں ایندے کیتے وی تیار ہیسے۔ انہاں آکھیا جو حکومتاں آوݨ ونجݨ آلی ہوندن، کہیں دی وراثت نئیں ہوندی، اساکوں ہر شئے کوں سیاست دی نظر نئیں کرݨا چائیدا۔