2 دسمبر 1988 کوں محترمہ بینظیر بھٹو شہید اسلامی دنیا دی پہلی چݨی ڳئی تریمت وزیرِ اعظم بݨی، جمہوریت دی واپسی دا پندھ شروع تھیا، صدر مملکت آصف علی زرداری

اسلام آباد۔2 دسمبر (اے پی پی) صدر مملکت آصف علی زرداری آکھیا جو 2 دسمبر 1988 کوں محترمہ بینظیر بھٹو شہید 35 سال دی عمر اچ وزیراعظم دی حیثیت نال حلف چاتا اتے اسلامی دنیا دی پہلی چݨی ڳئی تریمت وزیرِ اعظم بݨ ڳئی۔ منگل کوں ایوانِ صدر دے پریس ونگ موجب صدر مملکت ڈیہنہ دی مناسبت نال آپݨے سنیھے اچ آکھیا جو اڄ دے ڈیہنہ 36 سال پہلے یارھاں سال دے مارشل لاء اتے آمریت دے بعد پاکستان اچ جمہوری حکومت بحال تھئی، 35 سالہ بے نظیر بھٹو دی سربراہی اچ جمہوریت دی پندھ شروع تھیا۔ صدر مملکت آکھیا جو ایں ڈیہنہ قوم اچ اُمید دی نویں لہر دوڑ ڳئی اتے تریمتاں اتے نینگراں دے طبقے کوں سیاسی شرکت دے خواب کوں ودھاوݨ دا سنیھا مِلیا۔ صدر آصف علی زرداری آکھیا جو بے نظیر بھٹو پاکستان دی سب توں گھٹ عمر دی وزیر اعظم بݨ تے عوامی حکومت، جمہوریت اتے برابری دے عزم کوں مضبوط کیتا۔