پاکستان اَتے کرغزستان وچال تجارت، معیشت، زراعت، توانائی، بندرگاہیں دے استعمال، تعلیم سودھے مختلف شعبیاں اچ آپسی تعاون دے ودھارے کیتے 15 معاہدیاں اَتے مفاہمت دی یادداشتیں دا تبادلہ

اسلام آباد۔ 4 دسمبر (اے پی پی) پاکستان اَتے کرغزستان وچال تجارت، معیشت، زراعت، توانائی، بندرگاہیں دے استعمال، تعلیم سودھے مختلف شعبیاں اچ آپسی تعاون دے ودھارے کیتے 15 معاہدیاں اَتے مفاہمت دی یادداشتیں دا تبادلہ کیتا ڳیا۔ وزیراعظم محمد شہباز شریف اَتے کرغزستان دے صدر صادر ژپاروف وچال مذاکرات توں بعد خمیس کوں خصوصی تقریب اچ ݙوہیں مُلکاں وچال مختلف شعبیاں اچ معاہدیاں اَتے مفاہمت دی یادداشتیں دا تبادلہ کیتا ڳیا۔ ایں موقع تے وزیراعظم محمد شہباز شریف اَتے کرغزستان دے صدر وی موجود ہن۔ایں موقع تے پاکستان دی فارن سروس اکیڈمی اَتے کرغزستان دی ڈپلومیٹک اکیڈمی وچال تعاون کیتے مفاہمت دی یادداشت نائب وزیر اعظم تے وزیر خارجہ سینٹر محمد اسحاق ڈار، اَتے کرغزستان دے وزیر خارجہ ژینبیک کولوبایف۔ وزارتِ تجارت اَتے کرغزستان دی وزارتِ معیشت تے تجارت وچال تعاون کیتے مفاہمت دی یادداشت:وفاقی وزیر تجارت جام کمال خان، اَتے کرغزستان دے وزیر معیشت و تجارت بکیٹ سیڈیکوف۔ کان کنی اَتے جیو سائنسز اچ تعاون کیتے مفاہمت دی یادداشت،وفاقی وزیر توانائی (پیٹرولیم) علی پرویز ملک اَتے کرغزستان دے وزیر خارجہ ژینبیک کولوبایف۔ توانائی دے شعبے اچ ݙو پاسہ تعاون کیتے مفاہمت دی یادداشت،وفاقی وزیر پاور اویس احمد خان لغاری اَتے کرغزستان دے وزیر توانائی تالیبیک۔ بندرگاہیں اَتے لاجسٹک رابطیاں اچ تعاون کیتے مفاہمت دی یادداشت،وزیر مملکت برائے ریلوے بلال اظہر کیانی، اَتے کرغزستان دے وزیر معیشت و تجارت بکیٹ سیڈیکوف۔ زرعی شعبے اچ تعاون کیتے،وفاقی وزیر اقتصادی امور احد خان چیمہ اَتے کرغزستان ولّوں وزیر خارجہ ژینبیک کولوبایف۔ سزا یافتہ افراد دے تبادلے کیتے معاہدہ، وزیر مملکت برائے داخلہ طلال چوہدری اَتے کرغزستان دے پراسیکیوٹر جنرل مکسٹ اسانالیو۔ کسٹمز وچال الیکٹرانک ڈیٹا دے تبادلے کیتے مفاہمت دی یادداشت، وفاقی وزیر تجارت جام کمال خان اَتے کرغزستان دے وزیر خارجہ ژینبیک کولوبایف۔ کرغزستان دی وزارت خارجہ دی ڈپلومیٹک اکیڈمی اَتے نیشنل یونیورسٹی آف ماڈرن لینگیویز دے وچال مفاہمتی یاداشتدستخط کیتے ڳئے۔ وزیر اعظم یوتھ پروگرام اَتے کرغزستان دی ثقافت، اطلاعات و سپورٹس اَتے یوتھ پالیسی دے وچال مفاہمتی یاداشتتے دستخط کیتے ڳئے۔ بشکیک اَتے اسلام آباد دے وچال سسٹر سٹی تعلقات دے قیام کیتے معاہدہ، وزیر مملکت طلال چوہدری اَتے بشکیک دے میئر دستخط کیتے۔ ثقافت دے شعبے اچ معاہدہ، وفاقی وزیر اطلاعات و نشریات عطاءاللہ تارڑ اَتے کرغزستان دے وزیر ثقافت و اطلاعات دستخط کیتے۔ آلات جراحی دے شعبے اچ تعاون کیتے مفاہمتی یاداشت، وزیر مملکت برائے صحت ڈاکٹر مختار احمد ملک اَتے کرغزستان دے وزیر خارجہ دستخط کیتے۔ سیاحت دے شعبے اچ تعاون کیتے مفاہمتی یاداشت وفاقی وزیر بین الصوبائی رابطہ رانا ثناء اللہ خاں اَتے کرغزستان دے وزیر تجارت و معیشت دستخط کیتے۔ زراعت دے شعبے اچ تعاون کیتے مفاہمتی یاداشت، وفاقی وزیر احد خان چیمہ اَتے کرغزستان دے وزیر خارجہ دستخط کیتے۔