اسلام آباد۔ 4 دسمبر(اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ آکھیے جو پاکستان ہݨ ہک نمایاں عالمی ٹیک ڈیسٹی نیشن دے طور تے اُبھردا پئے جیں دی بُنیاد نینگر ٹیلنٹ، ودھدے ونڄݨ آلا سٹارٹ اپ ایکو سسٹم اَتے نویں جدت دوست پالیسیاں تے اے۔ وزارت انفارمیشن ٹیکنالوجی و ٹیلی کمیونیکیشن ولوں جاری بیان موجب متحدہ عرب امارات دے پاکستان اچ نویں تعینات تھیوݨ آلے …
وفاقی وزیر آئی ٹی و ٹیلی کام نال متحدہ عرب امارات دے سفیر دی ملاقات
مزید خبراں
اسلام آباد۔ 4 دسمبر(اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ آکھیے جو پاکستان ہݨ ہک نمایاں عالمی ٹیک ڈیسٹی نیشن دے طور تے اُبھردا پئے جیں دی بُنیاد نینگر ٹیلنٹ، ودھدے ونڄݨ آلا سٹارٹ اپ ایکو سسٹم اَتے نویں جدت دوست پالیسیاں تے اے۔ وزارت انفارمیشن ٹیکنالوجی و ٹیلی کمیونیکیشن ولوں جاری بیان موجب متحدہ عرب امارات دے پاکستان اچ نویں تعینات تھیوݨ آلے سفیر سالم الزعابی وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ نال اسلام آباد اچ ملاقات کیتی۔ ملاقات اچ انفارمیشن اَتے کمیونیکیشن ٹیکنالوجی، اُبھردیاں ہوئیاں ٹیکنالوجیز اَتے ڈیجیٹل ٹرانسفارمیشن دے شعبیں اچ ݙو طرفہ تعاون کوں ودھاوݨ تے تفصیلی ڳالھ مہاڑ کیتی ڳئی۔ ملاقات دے دوران ݙوہیں فریقین پاکستان دے ڈیجیٹل ترقیاتی منصوبیں اچ تعاون دے مختلف امکانات تے ڳالھ مہاڑ کیتی جنہاں اچ ٹیکنالوجی تے مبنی نویں جدت ، ڈیجیٹل انفراسٹرکچر اَتے صلاحیت اچ ودھارا شامل اے۔ وفاقی وزیر پاکستان دے ودھدے ہوئیں ڈیجیٹل ایکو سسٹم، اصلاحاتی ایجنڈے اَتے ٹیکنالوجی دے شعبے اچ سرمایہ کاری دے وسیع موقعیں توں وی وفد کوں آگاہ کیتا اَتے ہک جدید و جامع ڈیجیٹل معیشت دی تشکیل کیتے حکومتی عزم دا اعادہ کیتا۔ ڳالھ مہاڑ دے دوران متحدہ عرب امارات اچ مقیم پاکستانی تارکین وطن اَتے ٹیکنالوجی انٹرپرینیورز دے اہم کردار کوں وی اُجاگر کیتا ڳیا جو ݙوہیں مُلکاں وچال نویں جدت ، سرمایہ کاری اَتے علم دے تبادلے اچ پُل دا کردار ادا کریندے پِن۔ ݙوہیں فریقین ایں ڳالھ تے اتفاق کیتا جو پاکستانی ٹیک ڈائسپورا دے نال رابطیں کوں مزید مضبوط بݨا تےسرحد پار شراکت داری اَتے ڈیجیٹل ترقی کوں تکھا کیتا ونڄ سڳدے۔ اے ٹی کیئرنی رپورٹ دا حوالہ ݙیندے وفاقی وزیر آکھیا جو پاکستان ہݨ ہک نمایاں عالمی ٹیک ڈیسٹی نیشن دے طور تے اُبھردا پئے، جیں دی بُنیاد نینگر ٹیلنٹ، ودھدیا ونڄݨ آلا سٹارٹ اپ ایکو سسٹم اَتے نویں جدت دوست پالیسیاں تے اے۔ ملاقات دے مُکݨ تے ݙوہیں فریقین پاکستان اَتے متحدہ عرب امارات دے درمیان ٹیکنالوجی، نویں جدت اَتے ڈیجیٹل ٹرانسفارمیشن دے شعبیں اچ تعاون کوں مزید ودھاوݨ سانجھے عزم دا اظہار کیتا۔
