اسلام آباد۔ 4 دسمبر (اے پی پی) چیئرمین سینیٹ سید یوسف رضا گیلانی پاکستان نیشنل کونسل آف آرٹس اچ اقوامِ متحدہ دے تعاون نال منعقدہ نمائش اچ شرکت کیتی۔ انہاں مختلف آرٹ گیلریز دا دورہ کیتا اَتے تخلیقی فن پاریں اچ گھاٹی دلچسپی دا اظہار کیتا۔ چیئرمین سینیٹ نمائش دے شاندار انعقاد تے منتظمین، متعلقہ اداریں اَتے شرکاء کوں مبارخ پیش کریندے آکھیا جو اے نمائش تخلیقی سرگرمیاں، سماجی آگاہی …
چیئرمین سینیٹ سید یوسف رضا گیلانی دی پی این سی اے اچ اقوام متحدہ دی ولوں منعقدہ نمائش اچ شرکت
مزید خبراں
اسلام آباد۔ 4 دسمبر (اے پی پی) چیئرمین سینیٹ سید یوسف رضا گیلانی پاکستان نیشنل کونسل آف آرٹس اچ اقوامِ متحدہ دے تعاون نال منعقدہ نمائش اچ شرکت کیتی۔ انہاں مختلف آرٹ گیلریز دا دورہ کیتا اَتے تخلیقی فن پاریں اچ گھاٹی دلچسپی دا اظہار کیتا۔ چیئرمین سینیٹ نمائش دے شاندار انعقاد تے منتظمین، متعلقہ اداریں اَتے شرکاء کوں مبارخ پیش کریندے آکھیا جو اے نمائش تخلیقی سرگرمیاں، سماجی آگاہی اَتے ثقافتی ودھارے دا بہترین نمونہ اے۔ انہاں آکھیا جو فنونِ لطیفہ معاشرے اچ برداشت، ہم آہنگی اَتے مثبت طرزِ فکر دے ودھارے اچ بُنیادی کردار ادا کریندن اَتے ایہو جیھاں سرگرمیاں پاکستان دے روشن، امن پسند اَتے ثقافتی طور تے متنوع تشخص کوں اُجاگر کریندن۔ سید یوسف رضا گیلانی آکھیا جو نمائش نینگر اَتے تخلیقی صلاحیتاں دے حامل فنکاراں کوں اظہار کیتے مؤثر پلیٹ فارم مہیا کیتے، جِتھاں انہاں آپݨے فن، نظریات اَتے ہُنر کوں بھرپور انداز نال پیش کیتا۔ انہاں فنکاراں دیاں کوششاں دی تعریف کریندے آکھیا جو پاکستان تخلیقی صلاحیتاں دے اعتبار توں دنیا دے کہیں وی مُلک توں گھٹ کائںی۔ چیئرمین سینیٹ مزید آکھیا جو اقوامِ متحدہ پاکستان اچ فن و ثقافت دے ودھارے اچ اہم کردار ادا کریندا پئے اَتے اڳوں وی ایہو جیھاں سرگرمیاں معاشرتی ہم آہنگی، فکری ترقی اَتے قومی یکجہتی دے ودھارے دا سبب بݨسن۔ انہاں ایں ڳالھ تے وی اطمینان ظاہر کیتا جو پاکستان اچ عالمی معیار دیاں تقریباں اَتے نمائشاں دے کامیاب انعقاد دی بھرپور صلاحیت موجود اے۔ چھیکڑاچ چیئرمین سینیٹ منتظمین کوں خصوصی مبارخ پیش کریندے یقین ݙیوایا جو سینیٹ فنون، ثقافت اَتے تخلیقی اظہارمتعلق مثبت سرگرمیاں دی سرپرستی اڳوں وی جاری رہسی۔
