کراچی۔ 04 دسمبر (اے پی پی) انفارمیشن سروس اکیڈمی (آئی ایس اے) اسلام آباد دے افسراں تے مشتمل ہک وفد کراچی دے مطالعاتی دورے دے موقع تے خمیس کوں ایسوسی ایٹڈ پریس آف پاکستان (اے پی پی) کراچی بیورو دفتر دا دورہ کیتا اَتے سرکاری نیوز ایجنسی دے نظامِ کار دے حوالے نال تفصیلی بریفنگ ڳھدی۔وفد اچ ڈپٹی ڈائریکٹر اسپیشلائزڈ ٹریننگ پروگرام (ایس ٹی پی) محترمہ عظمیٰ ارجمند، پروبیشنر افسر …
انفارمیشن سروس اکیڈمی دے وفد دا اے پی پی کراچی بیورو دا دورہ
مزید خبراں
کراچی۔ 04 دسمبر (اے پی پی) انفارمیشن سروس اکیڈمی (آئی ایس اے) اسلام آباد دے افسراں تے مشتمل ہک وفد کراچی دے مطالعاتی دورے دے موقع تے خمیس کوں ایسوسی ایٹڈ پریس آف پاکستان (اے پی پی) کراچی بیورو دفتر دا دورہ کیتا اَتے سرکاری نیوز ایجنسی دے نظامِ کار دے حوالے نال تفصیلی بریفنگ ڳھدی۔وفد اچ ڈپٹی ڈائریکٹر اسپیشلائزڈ ٹریننگ پروگرام (ایس ٹی پی) محترمہ عظمیٰ ارجمند، پروبیشنر افسر بصیرت اقبال، ڈائریکٹر پی آئی ڈی کراچی خالد معراج عباسی اَتے ڈپٹی ڈائریکٹر نعمان احمد شامل ہن۔ وفد قومی خبر رساں ادارے دے معاملیں، میڈیا کوریج، خبر پُڄاوݨ اَتے ایڈیٹنگ دے مختلف رُخاں تے ڳالھ مہاڑ کیتی۔اے پی پی کراچی دے بیورو چیف عبداللہ سروہی وفد کوں ادارے دے تاریخی پس منظر، ذمّے واریاں اَتے مُلک دی قومی خبر رساں ایجنسی دے دائرہ کار بارے ݙسیا۔ وفد بیورو دے مختلف شعبیں دا وی معائنہ کیتا۔آئی ایس اے دے وفد آپݨے ں دورے دے موقع تے مختلف قومی میڈیا اداریں جنہاں اچ پاکستان ٹیلی وژن (پی ٹی وی)، پاکستان براڈکاسٹنگ کارپوریشن (ریڈیو پاکستان) اَتے آڈٹ بیورو آف سرکولیشن (اے بی سی) شامل ہِن، دا وی دورہ کیتا۔ افسراں کراچی اچ نجی میڈیا ہاؤسز دے وی دورے کیتے جِتھاں انہاں کوں انتظامی معاملیں اَتے کم دے طریقہ کار توں آگاہی حاصل تھئی
