صدر مملکت آصف علی زرداری فیلڈ مارشل سید عاصم منیر دی بطور چیف آف آرمی سٹاف و چیف آف ڈیفنس فورسز تقرری دی سمری دی منظوری ݙے ݙتی

اسلام آباد۔ 4 دسمبر (اے پی پی) صدر مملکت آصف علی زرداری فیلڈ مارشل سید عاصم منیر دے پنج سال کیتے بطور چیف آف آرمی سٹاف و چیف آف ڈیفنس فورسز تقرر کیتے وزیراعظم دی طرفوں بھیجی ڳئی سمری دی منظوری ݙے ݙتی۔ ایوان صدر دے پریس ونگ توں جاری بیان موجب صدر چیف آف ایئر سٹاف ایئر چیف مارشل ظہیر احمد بابر سدھو دی مدتِ ملازمت اچ ݙو سال دی توسیع دی وی منظوری ݙتی جیڑھی انہاں دی موجودہ مدت دے مُکݨ یعنی 19 مارچ 2026ء توں لاگو ہوسی۔ صدر چیف آف آرمی سٹاف و چیف آف ڈیفنس فورسز اَتے چیف آف ایئر سٹاف دیاں آئند مدت دے دوران خدمتاں کیتے نیک تمناواں دا اظہار کیتا۔