اسلام آباد۔ 4 دسمبر (اے پی پی) وزیراعظم محمد شہباز شریف فیلڈ مارشل سید عاصم منیر کوں پاکستان دا پہلا چیف آف ڈیفنس فورسز تعینات تھیوݨ تے مبارخ ݙیندے انہاں کیتے نیک خواہشات دا اظہار کیتے۔ وزیراعظم دفتر دے میڈیا ونگ توں جاری بیان موجب وزیراعظم آکھیا جو چیف آف ڈیفنس فورسز دی تعیناتی عصری اَتے جدید جنگی تقاضیں نال ہم آہنگ اے، ایں نال مُلک دا دفاع مزید بہتر …
وزیراعظم شہباز شریف دی فیلڈ مارشل سید عاصم منیر کوں پاکستان دا پہلا چیف آف ڈیفنس فورسز تعینات تھیوݨ تے مبارخ
مزید خبراں
اسلام آباد۔ 4 دسمبر (اے پی پی) وزیراعظم محمد شہباز شریف فیلڈ مارشل سید عاصم منیر کوں پاکستان دا پہلا چیف آف ڈیفنس فورسز تعینات تھیوݨ تے مبارخ ݙیندے انہاں کیتے نیک خواہشات دا اظہار کیتے۔ وزیراعظم دفتر دے میڈیا ونگ توں جاری بیان موجب وزیراعظم آکھیا جو چیف آف ڈیفنس فورسز دی تعیناتی عصری اَتے جدید جنگی تقاضیں نال ہم آہنگ اے، ایں نال مُلک دا دفاع مزید بہتر تھیسی۔ انہاں آکھیا جو فیلڈ مارشل سید عاصم منیر دی قیادت اچ اساݙیاں بہادر فوجاں دشمن کوں وݙی شکست ݙتی۔ انہاں دی قیادت اچ معرکہ حق اچ شاندار کامیابی نال پاکستان دا ناں پُوری دنیا اچ روشن تھیا اَتے پاکستان کوں عزت ملی۔ وزیراعظم چیف آف ایئر اسٹاف ظہیر احمد بابر سدھو کوں وی مدت ملازمت اچ ݙو سال دی توسیع تے مبارخ ݙیندے انہاں کیتے وی نیک خواہشات دا اظہار کیتا۔ وزیراعظم آکھیا جو ظہیر احمد بابر سدھو دی قیادت اچ پاک فضائیہ معرکہ حق اچ شاندار پیشہ ورانہ صلاحیتاں دا مظاہرہ کریندے دشمن دے جنگی ہوائی جہاز تباہ کیتے اَتے دشمن تے آپݨے دھاک ٻلہائی۔ وزیراعظم آکھیا جو پاکستان دے دفاع، ترقی و خوشحالی کیتے مُلک دے سارے ادارے رَل تے کم کریسن اَتے مُلک دے دفاع کوں رَل تے ناقابل تسخیر بݨیسن۔
