وزیراعظم شہباز شریف دا سٹیٹ بینک دی ولوں شرح سود وچ50بیسس پوائنٹس دی کمی تے اطمینان دا اظہار

اسلام آباد۔ 15 دسمبر(اے پی پی) وزیراعظم محمد شہباز شریف سٹیٹ بینک دی طرفوں شرح سود وچ50بیسس پوائنٹس دی کمی تے اطمینان دا اظہار کریندے ایں کوں کاروباری برادری اَتے عام آدمی دی بہتری دا آغاز قرار ݙِتے۔سول کوں وزیراعظم دفتر دے میڈیا ونگ توں جاری بیان موجب وزیراعظم آکھیا جو اللہ دے فضل و کرم نال حکومتی معاشی ٹیم دی محنت رنگ ڳھن آندی پئی اے، اَتے معاشی ترقی کیتے کوششاں تے معاشی ٹیم تعریف دے لائق اے۔ وزیراعظم آکھیا جو ملک وچ معاشی استحکام اے اَتے پاکستان ترقی آلے پاسے ٹردا پئے ، معاشی بہتری نال عوام کوں جتنا ممکن اے، ریلیف ݙیندے پئن۔ انہاں آکھیا جو شرح سود وچ کمی اَتے گھٹ لاڳت تے قرضے مِلݨ نال چھوٹے و درمیانے درجے دے کاروبار ساریں توں زیادہ مستفید تھیسن۔