نیویارک۔24 ستمبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار نیویارک اچ اقوامِ متحدہ دی جنرل اسمبلی دے 81 ویں اجلاس دے موقع تے نیپال دے وزیرِ خارجہ شیسیر کھنال نال ملاقات کیتی، ݙوہیں رہنماواں ݙوطرفہ تعاون کوں مزید وسعت ݙیوݨ کیتے رابطے اچ رہݨ تے اتفاق کیتا۔ترجمان دفتر خارجہ توں جاری بیان موجب نائب وزیرِاعظم تے وزیرِ خارجہ نیپال اچ اڄوکی اچانک چھل پاروں …
وزیرِخارجہ اسحاق ڈار دی نیپال دے ہم منصب شیسیر کھنال نال ملاقات
مزید خبراں
نیویارک۔24 ستمبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار نیویارک اچ اقوامِ متحدہ دی جنرل اسمبلی دے 81 ویں اجلاس دے موقع تے نیپال دے وزیرِ خارجہ شیسیر کھنال نال ملاقات کیتی، ݙوہیں رہنماواں ݙوطرفہ تعاون کوں مزید وسعت ݙیوݨ کیتے رابطے اچ رہݨ تے اتفاق کیتا۔ترجمان دفتر خارجہ توں جاری بیان موجب نائب وزیرِاعظم تے وزیرِ خارجہ نیپال اچ اڄوکی اچانک چھل پاروں تھیوݨ آلے جانی تے مالی ضیان تے تعزیت کیتی تے یقین ݙیوائے جو پاکستان ایں اوکھے ویلھے نیپال دے عوام دے رلے کھڑے ۔ نیپال دے وزیرِ خارجہ پاکستان دی حمایت تے شکریہ ادا کیتا تے نائب وزیرِ اعظم اسحاق ڈار کوں ایں آفت دی شدت تے عوام و بنیادی ڈھانچے تے ایں دے اثرات دا ݙسایا۔ ݙوہیں فریقین ݙوطرفہ تعلقات دا جائزہ ڳھدا تے تعاون کوں مزید تکڑا بݨاوݨ بشمول سیاسی تے اقتصادی مشاورت دے طریقیں تے ڳالھ کیتی۔ انہاں سانجھی دلچسپی دے علاقائی تے عالمی پیش رفت تے وی ڳالھ کیتی تے کثیرالجہتی فورمز خصوصاً اقوامِ متحدہ تے سارک اچ مسلسل رابطہ کاری دی اہمیت تے زور ݙتا۔ ݙوہیں فریقین ݙوطرفہ تعاون کوں مزید وسعت ݙیوݨ کیتے رابطے اچ رہݨ تے اتفاق کیتا۔
