وفاقی وزیر رانا تنویر حسین دی زیر صدارت قومی نگران کمیٹی برائے کݨک دا اجلاس، عبوری قومی کݨک پالیسی 2025/26 دے نفاذ تے زور

اسلام آباد۔ 15 دسمبر(اے پی پی)وفاقی وزیر برائے قومی غذائی تحفظ و تحقیق رانا تنویر حسین دی زیرِ صدارت عبوری قومی کݨک پالیسی 2025/26 سانڳے ٻݨائی ڳئی قومی نگران کمیٹی برائے کݨک دا پہلا اجلاس تھئے۔ وفاقی وزیر ملک دی غذائی ضرورتاں پوری کرݨ کیتے کݨک دی سٹریٹجک اہمیت ودھیندے کݨک دی کاشت ودھاوݨ دا آکھیے۔ عبوری پالیسی دا مقصد کݨک دی معیشت کوں ریاست دے زیرِ اثر خریداری دے نظام توں مارکیٹ تے مبنی نظام دو ڳھن آوݨ، قیمتاں اچ استحکام یقینی بݨاوݨ اَتے غذائی تحفظ کیتے مناسب سٹریٹجک ذخائر بݨاوݨ اے۔ ایں پالیسی دا مقصد نجی شعبے دی شمولیت ودھاوݨ تے مالی ٻھار ڳھٹ کرݨ اے۔ وفاقی وزیر رانا تنویر حسین صوبائی حکومتاں کوں اپݨے دائرہ اختیار اچ پالیسی تے مکمل عملدرآمد دی ہدایت کیتی تاں جو کݨک دے کاشتکاراں اَتے آٹے دے گاہکاں دے حقوق دا تحفظ تھیوے۔