ملک دے خلاف ٹرینڈز دا حصہ بݨݨ تے قانونی کارروائی ٻھوڳݨی پئے سڳدی اے، طلال چوہدری

اسلام آباد۔ 15 دسمبر(اے پی پی)وزیر مملکت داخلہ طلال چوہدری چتاوݨی ݙتی اے جو ملک دے خلاف ٹرینڈز دا حصہ بݨݨ تے قانونی کارروائی ٻھوڳݨی پئے سڳدی اے، پی ٹی آئی سوشل میڈیا تے منظم طریقے نال ملکی اداریاں دے خلاف مہم چلایندی پئی اے۔ طلال چوہدری آکھیا جو دہشت گرد تنظیماں وی سوشل میڈیا دا استعمال کریندیاں پئن اَتے کُڄھ عناصر ملکی سلامتی دے پچھو ہن۔ انہاں واضح کیتا جو حکومت آزادی اظہار رائے تے یقین رکھیندی اے، پر ملکی خودمختاری تے کوئی سمجھوتہ نہ کیتا ویسی۔ انہاں آکھیا جو پی ٹی آئی دے اکاؤنٹس بیرونِ ملک توں چلائے ویندے پئن اَتے دہشت گرد تنظیم بی ایل اے دے ٹرینڈز وی بݨائے ویندن۔