اسلام آباد۔ 15 دسمبر(اے پی پی)پاکستان اَتے ایشیائی ترقیاتی بینک اے ڈی بی)وچال اصلاحات اچ تیزی، ترقیاتی اَتے نجی شعبے دی ترقی کیتے سٹریٹجک سانجھے داری دی توثیق کر ݙتی اے۔ وفاقی وزیر خزانہ سینیٹر محمد اورنگزیب اے ڈی بی دے وفد نال ملاقات کیتی۔ وزیر خزانہ پاکستان کیتے اے ڈی بی دی طویل المدتی اَتے ویلھے سر معاونت تے تشکر ادا کریندے آکھیا جو ترقیاتی سانجھے داری کوں صرف …
وفاقی وزیر خزانہ سینیٹر محمد اورنگزیب دی اے ڈی بی دے اعلیٰ سطح وفد نال تفصیلی ملاقات
اسلام آباد۔ 15 دسمبر(اے پی پی)پاکستان اَتے ایشیائی ترقیاتی بینک اے ڈی بی)وچال اصلاحات اچ تیزی، ترقیاتی اَتے نجی شعبے دی ترقی کیتے سٹریٹجک سانجھے داری دی توثیق کر ݙتی اے۔ وفاقی وزیر خزانہ سینیٹر محمد اورنگزیب اے ڈی بی دے وفد نال ملاقات کیتی۔ وزیر خزانہ پاکستان کیتے اے ڈی بی دی طویل المدتی اَتے ویلھے سر معاونت تے تشکر ادا کریندے آکھیا جو ترقیاتی سانجھے داری کوں صرف منظوری دی بجائے نتائج، اثرات اَتے کارکردگی دے اشارییاں نال مشروط ہووݨا چاھیدے۔ وزیر خزانہ ٹیکس اصلاحات، توانائی شعبے دی بہتری، سرکاری اداریاں (SOEs) دی اصلاح، نجکاری اَتے پبلک فنانشل مینجمنٹ اچ اصلاحات کیتے حکومتی عزم دوہریندے ݙسایا جو ھک چھوٹے بینک دی نجکاری مکمل تھی چکی اے اَتے توانائی شعبے دی تنظیمِ نو تے کَم جاری اے۔ اے ڈی بی حکام اصلاحاتی پیش رفت کوں سراہندے آئی ایم ایف پروگرام دے تحت مزید بجٹ سپورٹ فراہم کرݨ دی تیاری دا اعلان کیتا۔
