ایڈوانسڈ انفراسٹرکچر نیٹ ورک منصوبہ پاکستان ریلوے کوں جدید، محفوظ اتے مسافر دوست ادارہ بݨاوݨ دو انقلابی قدم اے، وفاقی وزیر محمد حنیف عباسی

اسلام آباد۔ 19 جنوری(اے پی پی)وفاقی وزیر برائے ریلوے محمد حنیف عباسی آکھیے جو ریلوے ایڈوانسڈ انفراسٹرکچر نیٹ ورک منصوبہ پاکستان ریلوے کوں جدید، محفوظ اتے مسافر دوست ادارہ بݨاوݨ دو ہک انقلابی قدم اے۔ انھاں اے ڳالھ اسلام آباد اچ منصوبے دے حوالے نال ہک اعلیٰ سطح دے اجلاس دی صدارت کریندے آکھی۔ اجلاس اچ ڈائریکٹوریٹ آف آئی ٹی ولوں منصوبے تے تفصیلی بریفنگ ݙتی ڳئی جو “رین” منصوبے دا فیز ون جون 2026 تئیں مکمل کر ڳھدا ویسی۔ پاکستان ریلوے دی تاریخ دے ایں جامع ڈیجیٹلائزیشن منصوبے دے تحت تمام ٹریناں اتے انجناں دی ریئل ٹائم جی پی ایس ٹریکنگ، راولپنڈی ماڈل آلی کار سارے وݙے ریلوے سٹیشنز کوں ’سیف اینڈ سمارٹ سٹیشنز‘ اچ بدلݨ، منتخب سٹیشنز اتے مسافراں کیتے تیز رفتار انٹرنیٹ دی فراہمی، لاہور ہیڈ کوارٹر سودھا سارے ڈویژنز اچ جدید کنٹرول سینٹرز دا قیام، اتے ایم ایل ون دے 1700 کلومیٹر طویل نیٹ ورک اتے آپٹک فائبر بچھاوݨ دا کم شامل اے۔